مهرجان الإسكندرية السينمائي يحتفي بتاريخ لطفي لبيب.. وسلوى محمد علي أبرز الحضور (صور)
تهاني ومواساة.. نتيجة الثانوية العامة تسيطر على السوشيال ميديا
السبت 06/أغسطس/2022 - 06:22 م
ساندي جرجس
بعد ظهور نتائج الثانوية العامة، اليوم السبت، سادت حالة من البهجة والسرور بين رواد مواقع التواصل الاجتماعي، حيث ينشر كثيرون عبارات التهنئة سواء الأقارب أو الأبناء أو الأصدقاء من أجل الاحتفال بالنجاح.
وكانت الكثير من المنشورات أيضاً تدعم الطلاب الذين لم يحصلوا على النتائج العالية في الثانوية العامة مثلما تمنوا، ولكن تعليقات الآباء تظل على الفخر بهم.
الثانوية العامة مش آخر الدنيا
كتبت مارينا في منشور: «يااسطي مبروووك والله مبرووك.. الثانوية العامة مش آخر الدنيا، كل إللي يجيبه ربنا حلو ونقول شكرا، والحمدالله المهم إننا صافي صافي صافي بالله بقى استعد ياطالب الجامعة، ربنا يوفقك في اللي جاااااي شد يا بطل».
وقالت مارسيل في منشور آخر: «قولوا مبروك من غير عملت إيه قولوا مبروك من غير جبت كام، قولوا مبروك من غير هتخش إيه، قولوا مبروك من غير شيلت حاجة؟ قولوا مبروك من غير وده هيدخلك إيه؟ جاب 3% حاجة متخصكش.. جاب 100% ورتب حاجة متخصكش (اللى جاب3% ممكن يألف كتاب وياخد نوبل بعيد عن دراسته.. واللي جاب 100% ودخل مثلا طب مرتبه الشهرى هيكون زيه زي أي موظف في الآخر لو معهوش يفتح عيادة، ثقافة الإنسان وحياته الاجتماعية والنفسية والروحية والاجتهادية ملهاش دعوة برقم.. قولوا مبروووووك وبس».
كما كتبت نيهال في منشور عن نجاحها: «كان فضل الله عليكَ عظيمًا قولوا مبروك نجحت نهولة عمرها ما عدت بمجهودي دايمًا بكرمك وفضلك يارب».
وعلق جودة في أحد المنشورات: «بمجرد إعلاااان نتيجة الثانوية العامة هتدخلوااا اختبار ثاني وهو الرضا بقضاء الله تعالى وقدره، الاختبار دا النجاح فيه أهم من حصولكم على أعلى المجاميع، مهما كانت النتيجة تقبلها بالصبر والرضا واعلم إنه الخير لك، فرب الخير لا يأتي إلا بالخير».
وكتبت سلمى في تعليق: «اللهم نجح جميع الطلبة وفرح أهاليهم يا أكرم الأكرمين يا رب».
