"مصروف الإيد" تحدي كل طالبة.. وأميرة للفتيات:"بلاش فشخرة"

تواجهه فتيات الجامعة العديد من المشكلات عند دخولهن الجامعة، خاصة مع العام الأول من الدراسة، فلم يعتدن على وضعهن الجديد من الناحية المادية، فتواجهه معظم الفتيات مشكلة عدم التوازن المادي ما بين متطلباتها الشخصية، ومستلزمات تصوير الكثير من المراجع.

فلم تعتاد الطالبة خاصة الممغتربة على قضاء أوقات طويلة للدراسة خارج المنزل، ما تدفعها طوال الوقت إلى تناول الأطعمة خارج المنزل، مما يتطلب منها تنظيم لمصروفاتها كي لا تزيد العبئ على أهلها ماديًا، الأمر الذي يدفع بعض الطالبات إلى العمل بجانب الدراسة لكي يوفرن متطالباتهن.

وقالت الطالبة شروق أسامة الطالبة بجامعة حلوان: "كنت بجيب كتب غالية نوعًا ما وبحتاج إني أصور مراجع وملخصات كتير بالأخص في فترة الامتحانات.. وكمان مكنتش متعودة على الأكل والشرب بره البيت لإني كنت دايمًا أرجع من المدرسة أو الدرس ألاقي ماما مجهزة الأكل فمكنتش أعرف أني محتاجة ضعف مصروفي كمان المواصلات كنت بركب أكتر من مواصلة علشان أوصل الجامعة وأروح بيتي تاني".

قررت الطالبة أن تنظم مصروفاتها وتابعت: "حاولت مزودش الحِمل على أهلي وفي نفس الوقت استمتع بوقتي وبجامعتي وبالخروج مع أصحابي عن طريق أني أوفر كل شئ ملوش لازمة ومش لازم كل يوم أكل بره بيتي وممكن أخد معايا أي ساندوتشات من بيتي وأجيب الكتب والمراجع إلي فعلآ محتاجة أذاكر فيها وكمان الي بيتبقى كل أسبوع من مصروفي كنت بحوشة لخروجة مع صحابي".

كما قالت الطالبة أسماء حسن بجامعة مصر: "لما داخلت الجامعة أول سنة مكنتش أعرف إني هحتاج أطبع ورق وتكاليف ومراجع وأبحاث طول السنة بالذات في الكليات العملية زي الأعلام والتجارة والهندسة وكان لازم أسلم كل تكليفاتي في وقتها طبعًا ده غير أن الأكل جوه الجامعة غالي والكتب مش رخيصة وكورسات وورش عمل حرفيًا كنت باخد ضعفين مصروفي إلي أتعودت عليه وبرضوا مكنش بيكفي على الرغم أني كنت بركب باص الجامعة بس أتعودت وعرفت أرتب نفسي وأحسب مصاريفي وأخلي بالي بعد كده لحد ما بقيت بعرف أزاي أقسم مصاريفي بين الكتب والمراجع والخروج والأكل والشرب من غير ما أزود التكاليف على أهلي.

بينما ذكرت أميرة إسماعيل الطالبة بجامعة 6 أكتوبر: "أنا حابة أنصح البنات إلي داخلين الجامعة جديد أنهم أولًا مش طول الوقت يصرفوا فلوسهم على حاجات ومظاهر تافهه، وتاني حاجة أنهم لو بيقضوا طول اليوم بره بيتهم بحكم مواعيد الدراسة ياخدوا معاهم أكل بسيط من بيتهم ويجيبوا من بره أي سناكس، تالت حاجة أنهم يصوروا الورق والمراجع إلي محتاجينها بس ويطبعوا الأسايمنتس "الواجبات" والتكليفات بتاعتهم على حسب احتياج كل مادة، رابع حاجة يدوروا على أسهل وأبسط طريقة مواصلات ليهم، ومع الوقت كل ده هيبقى سهل بالنسبالهم بعد كده وبعد أول ترم هيكونوا أتعودوا وكل حاجة هتبقى أسهل وأكتر تنظيم.