مهرجان الإسكندرية السينمائي يحتفي بتاريخ لطفي لبيب.. وسلوى محمد علي أبرز الحضور (صور)
«تعملي أي مع حد بيقول عليكي كلام مش فيكي».. تعرفي على آراء البنات
الجمعة 29/يوليه/2022 - 11:23 م
بسمة خالد
طرحت إحدى الفتيات على مواقع التواصل الاجتماعي "الفيسبوك " منشورًا تسأل فيه عن كيفية التعامل مع نوعية من الأشخاص موجودين في حياة معظمنا حيث قالت: "لما حد بيقول عليكوا كلام مش فيكوا ومش حقيقي من وراكوا بتعملوا ايه"
لتتنوع التعليقات والآراء
فنصحتها أحدهم بعدم الاهتمام بهم وإهمال كلامهم قائلة " ده بيبقى نقص بعيد عنك ومحدش يقدر يمسك لِسنة الناس خصوصاً النوعية المريضة المؤذية دي ، بس ولا كأنك هنا ، كفاية ربنا شايف وعارف واوعي تتأثري بدة واعملي بأصلك بأصلك وبس وربنا هيردلك ده أضعاف صدقيني ، بصي على ربنا ومش هيفرقلك كلام اي حد غير نفسك".
ورأت أحدهم أن أفضل حل هو السكوت نهائياً قائلةً "بنسكت علشان ديه بتكون ناس عندها عقدة نقص ومش عارفين يعالجوها ف بيتكلموا بالغلط وكده كده انتي عارفة انتي بتعملي ايه كويس وربنا مطلع عليكي ف ارمي كل ده ورا ضهرك والدنيا دواره وكلها سلف ودين بجد وحقك عند ربنا عليكي بكلمة حسبي الله ونعم الوكيل".
وعلقت أحدهم موضحةً أن العيب ليس علي القائل بل علي الشخص المستمع الذي يعطي فرصة لنفسه لتصديق هذا الكلام قائلةً "الموضوع مش فى اللى بيقول .. الموضوع فى اللى بيصدق اى كلام و هرى بيتقال عنك بس فى جميع الأحوال تقولى حسبى الله ونعم الوكيل فى الناس المؤذية اللى بتشوه صورتك و تبعدى عن الناس اللى صدقت الكلام او حتى نقلته لكل الناس".
ونصحتها ندي بالابتعاد عن هذا الشخص الثرثار قائلة: "لازم تبعدي عن الشخص ده اياً كان غلاوته عندك وقولي حسبي الله ونعم الوكيل وصدقيني دي كبيرة أوي وربنا بيجبلك حقك لحد عندك من غير أي مجهود".
أما آية فنصحتها بتفويض أمرها إلى الله قائلةً "بنسيبه يقول اللي هو عايزه ومتضايقيش نفسك، ودايمًا قولي اللهم إني فوضت أمري إليك فأنت بصير بالعباد، واللهم أنت حسبي ونعم الوكيل في من ظلمني ومن آذاني ومن قال فينا ما ليس فينا واتفرجي بقى وربنا بيجبلك حقك لحد عندك".
اقرأ أيضًا..
