بشكل نهائي.. توقف واتساب عن العمل على تلك الهواتف
خبيرة أسرية: اعرفي قيمة الأشياء في حياتك بأسلوب «الفرصة الأخيرة»
الثلاثاء 21/سبتمبر/2021 - 01:29 م
عبدالله أبو الخير
نصحت الدكتورة نانسي ماهر خبيرة العلاقات الأسرية ومرحلة المراهقة؛ باتباع أسلوب الفرصة الأخيرة، لمعرفة قيمة الأشياء والحفاظ عليها، وذلك وفقًا لما نشرته عبر صفحتها على موقع التواصل الاجتماعي، فيسبوك.
التعامل مع الأطفال
وقالت "ماهر" في تدوينتها؛ "الأطفال الصغيرين بيمسكوا في الحاجة قوي لما يحسوا أنها هتتاخد منهم، يعني جرب تقول لطفل صغير يللا نروح المدرسة، مش هيتحمس يروح، طيب يالا علشان ده آخر يوم مدرسة يالا علشان تسلم على أصحابك؛ هيقوم يجري، تعالى العب بلعبتك، عادي لكن ده آخر وقت هينفع تلعب باللعبة دي قبل ما تنام، يجري ياخدها".
الفرصة الأخيرة
وتابعت "ماهر": "الفرصة الأخيرة أحيانًا هي اللي بتحركنا، يعني طول ما أنا شايف ولادي قدامي تاعبيني وهم صغيرين.
مش هحس قوي بقيمة الوقت اللي بقضيه معاهم، بس أول لما يكبروا وكل واحد ينسحب من الوقت ده، أتوتر وأحس اني عايز امسك فيهم".
وأضافت: "شريك حياتي اللي كان بيجري ورايا ويتمنى يقضي كل لحظة معايا، كنت بستتقل كلامه واتهمه بالزنا، لكن لما سمع كلامك ودورله على حياة وبقى ليه مشغوليات بناءً على طلبك حسيتي ببعده وانك مفتقدة، وبدأت انتي اللي تلوميه إنه بعيد، الشغل اللي بنروحه كل يوم، كل يوم بنشتكي منه لكن لما قالولك قدامك شهر وتمشي بقيت بتبص لكل نعمة صغيره فيه وحاسس أنك هتفتقد الناس وكل حاجة فيه".
وأكملت:" باباك ومامتك اللي كانوا بيشحتوك أول لما يكبروا قوي أو بعد الشر يبدؤوا يتعبوا بتحس فجأة بقيمتهم وتحس انك عاوز تمسك فيهم، فالصحة والعمر والوقت والأسرة والحب؛ كلها حاجات مش دايمة فياريت نبصلها انها كنوز لازم نحافظ عليها ونحس بقيمة كل لحظة وكل يوم".
اقرأ أيضًا..
قيمة النعم
وأنهت: "لو نعرف قيمة النعم اللي في حياتنا مكانش بيت باظ ولا علاقة حلوه اتهددت، مكنش ولادنا بعدوا ولا حسينا بالتذمر أو الاعتراض، الندم أشد وطأة من حاجات كتير، إحساسك أن بيتك أو ولادك أو الشخص اللي حبك تعبوا من عدم تقديرك ليهم وانك ياما صممت تخلي مسئوليتك وإحساسك وواجبك تجاههم، كل ده مش سهل يتعوض في قلوب بتتحجر ونفوس بتبعد وعلاقات بتموت؛ لأنك في يومً من الأيام اشتريت راحتك على حساب كل حاجة، نصيحة للزمن الحق كنوزك قبل فوات الأوان".
