زوجة تطلب الخلع ونفقة للأولاد لأسباب صادمة
نهي أباظة تكتب: على الواحدة... والعين مش واحدة
الأحد 05/يونيو/2022 - 07:21 م
علي الواحدة... والعين مش واحدة... واحد بتشوفك اتنين... متغير أو صافى النية... بكذا منظر .بتشوفك العين..
والفارغة غير المليانة.. العين دايما مياله.. تسرق نظره مابين اتنين
وعلى الوحدة... والعين مش واحدة..
على الواحدة والعين صاروخ ....طالع نازل ..مش بيدوخ ..
عين على الرايح ...عين على الجاى .. المطفي اكيد ليه ولاعه ...والليل بيلمع ملوش زى ...
.تستنى كل التفاصيل .لو كنت نملة وف حالك..... العين بتخليك الفيل ..
على الواحده والعين مش واحده
على الواحده والننى عقرب ساعه عمال بيدور ...المتصلح عادى عنده زى المكسور .
قافل .. يبقي نكدى ومغرور ....يضحك حاله فل ومستور....
طب لوسلم باس ..مصلحه واونطه .....جاى محمل ..طب ايه ف الشنطه...
ويوم ما اتعلم عليك الصح ....تستنى تجيلك غلطه
وعل الواحده ..والعين مش واحده
على الواحده والعين لو حمرا حتوريك...والشكاكه ترمى السهم عشان تبليك ..وعين الجمل للتسليه ..وعين السمكه عايزه عمليه ...وعين شمس جدعان من الل هى...
وعين رصداك ..من تحت لتحت ما بتسميش ....وعين مش سايبه حد ف حاله مابتخليش,
وعين مطفيه تشوف بالقلب ماتفضحنيش ...وعين بجحه تقول اللى تقوله ماتختشيش ..
وعل الواحده ..والعين مش واحده
.على الواحده وسحرها يغنيها ..... تسحرفيها كل الل غاويها..
الرمش بيدبح عل الهادى,,,والحاجب مرفوع بالهمزه
.مهما تكون جامد ومعلم.. تقع فيها يادوب بالغمزه..
وعل الواحده..... والعين مش واحده
