توك شو

رضوى الشربيني: "إزاي تاخدي حقك من اللي باعك؟"

الثلاثاء 09/فبراير/2021 - 04:44 م

عمرو عادل

نصحت الإعلامية رضوى الشربيني، البنات والسيدات بعدم الوقوف عند الماضي والذكريات الأليمة، قائلةً: «إن كل بنت ارتبطت وتركها حبيبها أو زوجها بعد قصة حب كبيرة وكانت مظلومة يجب أن تتأكد بأن حقها سيأتي لها أمام عينها».

وأضافت، «تأكدي يابنتي مادم انتي مظلومة وهو اللي باعك وكنتِ وفية ومخلصة معاه ومغدرتيش بيه.. لازم حقك هيرجعلك قدام عينك لأن ربنا اسمه العدل وهيعوضك بواحد أرجل منه».

وتابعت: "يجب عليكِ أولا أن تهتمي بنفسك وتبدأي في التعافي وعدم التفكير ولو لأوقات معينة وتشغلي نفسك بأي شيء ولا تضعي نفسك فريسة للفراغ ينهش من عقلك وقلبك، بل يجب أن تحققي طموحك وأحلامك وتلمعي في مجالك وشغلك"، قائلةً: "عايزه متحسيش بحاجه اشتغلي..اشتغلي..اشتغلي. موتي نفسك في الشغل هتنسيه وتنسي عيلته كلها".

وأضافت خلال تقديمها برنامج "هي وبس" المُذاع على فضائية "سي بي سي سفرة"، العمل والدراسة وتحقيق الطموح كفيل بأن يجعل من الماضي حفنة من التراب، قائلةً: «بعد تحقيق أحلامك ونجاحك، هتندهشي بأنه هو اللي راجع يدور عليكِ ويسأل عنك لكن وقتها هتبقي مش محتاجاه ولا هتشوفيه ولا هتحسي بوجوده ده، لأن حبك الحقيقي هيكون وصلك بعد نجاحك وتحقيق أهدافك، وفي الوقت ده هيبقى انتي خدتي حقك من اللي باعك لأن حسرته هتبقى كبيرة».