كلام ستات

«حاجة صغيرة قلبت حياتك».. هاشتاج أثر الفراشة يُسيطر على رواد موقع تويتر

الجمعة 15/يوليه/2022 - 07:09 م

بسمة خالد

نشرت إحدى الفتيات منشورًا على موقع التواصل الاجتماعي "تويتر " تويتة قالت فيها ‏"قولولي ايه أكبر butterfly effect حصل في حياتكم، حاجة صغيرة أوي لا تذكر كانت سبب في حاجة كبيرة أوي". وحازت هذه التويتة على الكثير من التعليقات المختلفة الإيجابية التي تعرض لها كثير من الأشخاص ونعرض لكم أهمها :

حيث قالت أحدهم في تعليق: "‏‎ساعدت واحد ينجح في مادة في الكلية، جابلي شغل برا مجالنا، فلوس الشغل ده حوشتها وسافرت اعمل ماسترز".

أما ريم فقالت: "‏‎عيدت على زميل شغل هندي بقالي سنين ماكلمتوش في الdiwali جابلي شغل دا وسافرت ".

أما أبو حذيفة قال: "‏‎واحد صاحبى فاتح space هنا مع ناس معرفهاش فظهرلتى عشان عاملين لبعض فلو فدخلت فبيسألنى وصلت فين قولتله لسه بالمطار رد واحد من اسبيس قالى مسافر فين وشغال ايه بالصدفة هو مقيم ف نفس الدولة اللى رايحها والشركة اللى شغال فيها نفس مجالى قالى الشركة عايزة مهندسين قدمت واشتغلت فالشركة".

وذكر أحدهم: "‏‎كنا بنضرب فطار في الشغل في يوم صيفي روتيني بحت،ليازميل مهتم بالسفر جاله مكالمه لتحديث بياناته من مكتب وبهزار قالها في صديق ليا اهو بيفطر تكلميه، وكانت اول مره اكلم اتش ار لمكتب الحاق عماله بالخارج ..خدت بيانتي وتقريبا بعدها بشهر جالي عرض وظيفي في السعودية وفيه إلى الآن".

كانت للتعليقات العاطفية أيضا نصيب حيث ذكر محمد: "‏‎بنت عملت أدد لأختي بالغلط على الهوت ميل ماسنجر سنة ٢٠٠٣ اتجوزنا في ٢٠١٢ ".

كنا بنصيف في مطروح في ٢٠٠٤ وقلت لبابا إني البلد دي حلوة يلا نعيش هنا عشان البحر .. كلمة عابرة لطفلة عندها ٧ سنين .. بعدها ب ٥ سنين كان بابا وماما ناقلين شغلهم مطروح وبقالنا هنا 15 سنة مفيش في حلاوته.