بعد انتشار فكرة الإضراب عن الزواج.. بنات الفيسبوك: «هتلاقي العمر بيجري»

وكتبت الفتاة في منشورها: «ممكن نصيحة لواحدة رافضة فكرة الجواز والخطوبة؟!»، وكانت التعليقات على المنشور كالآتي: 

قالت شيماء: «بصي هو أول كومنت قولتلك انتي صح بس بصراحه قعدت مع نفسي أفكر كده شويه لقيت أن في أنانية مني ومن كل اللي شجعك على كده احنا اه اوقات كتير بنكون مخنوقين وبتقول يارتنا ويابخت اللي لسه متجوزش والهبد ده، بس والله يابنتي لو اخترتي الراجل الصح اللي يشيلك قبل اهلك دي بتبقي احلي نعمه، فكره الجواز اه تعب وعيشه جديده بس لو عيشتها صح مش هيكون ف تعب ولا اي حاجه من الكلام ده ياحبيتي ده انتي ف اخر اليوم لو الدنيا كلها جات عليكي هتترمي ف حضنه هو لو تعبانه هو اللي بيفضل جنبك تفاصيل كتيره اوي ف الجواز مبقتش تتقال وبقت تتنسيي لمجرد أن بيكون في زعل».

وعلقت ندى قائلة: «نفسي اعرف ليه الناس مبتكتبش أو مبتقولش الا الوحش بس.. لو الجواز وحش مكنش ربنا عمله».

وقالت سمر: «اوعى تسمعى كلامهم مفيش بيت بيخلى من المشاكل ودى بتكون فترة وبتعدى يعنى من غير زعل بيتكم مفيهوش مشاكل ويمكن ربنا يكرمك بواحد يخاف الله فيكى ويحسن اليكى وتكونى بيت ويكون عندك اولاد تربية تربية حسنة وتفرحى بيهم وبجوزك العمر هيجرى بيكى ومفيش حدهيسال عليكى ختى اخوكى هيتجوز يشوف نفسه وأولاده وابوكى وامك لكل واحد فيهم أجل يعنى الحقى نفسك الدنيا مش بتقف وربنا معاكى انتى وأولادنا ربنا يهديكم للصح ديما».

وعلقت إنجي: «لما تلاقي الشخص المناسب اللي تألفه روحك هتتغير لوحدها».

بينما قالت هبة: «هتلاقي العمر بيجري بيكي وانتي لوحدك احساس الونس بجوزك وباولادك وبعيلتك الصغيرة اللي هتكونيها هتبقي مفتقداها جدا، العمر هيجري وهتقولي ياريت سيبك من الكلام السلبي اختاري صح وادعي ربنا ينور بصيرتك ويختارك الاصلح وسيبي الباقي على ربنا».

وعلقت هدير: «بصي يابنتي نصيحه بجد استمتعي بكل وقت انتي بتمري بيه وبعدين اكيد مش كلهم ذئاب بشرية في منهم أشخاص بنعرف نتعايش معاهم عادي الخطوبه حلوه والجواز احلي اهم حاجه عيشي اللحظة بلحظتها».

وقالت ندى: «ولما هو وحش كدا وكلكوا شايفينه قرف لسا متجوزين ليه عقدوا البني ادمين وخلاص والله جربي عادي يعني محدش بياخد غير نصيبه ف الاول وف الاخر وكفاية من الجواز لو هيبقي وحش زي ما بيقولوا انك تبقي ام».

وعلقت فاطمة: «بجد حلو لما تختاري شريك حياتك صح يعني شخص كبير و عاقل و متفاهم ومتربي وتبقي عارفه انه هيراعي ربنا فيكي وقتها هتلاقي الجواز حلو وحتى لو مسؤولية هتلاقيها سهله طول ما انتو الاتنين متشاركين في كل حاجه».