خناقات أول سنة جواز.. أبرز شكاوى النساء على فيس بوك

وكتبت تلك المرأة على إحدى جروبات النساء، قائلة: «كلموني عن خناقات أول سنة جواز وحاولو تكدبوا عليا، انا فتالت شهر جواز وحاسه بيكو والله بس كنت بحسب اني لوحدي اللي كده، طب احكولي ايه اسباب خناقاتكو».

وعلقت مروة على المنشور ساخرة: «انا جيالك من المستقبل وبقولك انها مبتبقاش اول سنه بس بعد ما بتعدو سنه بتتأقلمو عالخناقات عادي و بتاخديها بصدر رحب اكتر من قبل كده دا الفرق».

وقالت منى: «٤ سنين جواز وعملاله بلوك وبنتنا جمبنا اهو عادي».

علقت رضوى قائلة: «مره اتخانقنا عشان رجل الكرسى كان فيها حاجه بتجرح فى الارض كل ماجى ازقه عشان امسح و كانت خناقه ميعلم بيها الا ربنا».

كما قالت خلود: «للاسف مكناش طرف فيها انا وهو بس مسكنا في بعض جامد رغم ان في لحظه زعل وشيطان كنا هنسيب بعض اسوء سنه هي الاولي عمري ما انساها ابدا وعدت الحمدلله عشان كل واحد فينا مكنش يقدر يستغني عن التاني وبقالنا اهو عشر سنين قولوا ماشاء الله».

وعلقت شيماء قائلة: «بصي بجد التسامح وتكبير الدماغ وأن متزعلوش علي كل حاجه وتعدو الدنيا هيريحكم جدا، وهيقلل خلاص من الخناقات وواحده واحده هتتعودوا علي طباع بعض اهم حاجه الطباع الؤ متعجبكيش متستسلميش هاتيها باللين وصممي علي موقفك من غير ما يبان انك قاصده ومصممه لحد ما يتغير فيها خصوصا نقطه الاحساس بيكي وهاو تو بي جينيتل معاكي في البيت زي برا كدا يعني».

تركت اسراء تعليق تمزح فيه قائلة: «هي مبتبقاش اول سنه بس والمشاكل التقيله كلها بتبقي جيالنا من برا تجر شكلنا، بس اللي بيضايقني لحد دلوقتي بجد ان البيه بيفتح علي صنية الكيكه وهي في الفرن».

وعلقت منة: «بصي الجواز عايز التلاته دول😂 :

 ١-كبر تعش تنتعش 

٢- متركزش علشان متهيسش

٣-هاكونا متاتا 

طبعاً بهزر بس بجد حاولوا تتخطوا لبعض وخلي علاقتك دي قبل كل شيء هي لربنا ولذلك هتتبني على المودة والرحمة ومفيش مانع تفهميه نفس الحاجة علشان تتخطوا اي مشكلة وبلاش تدخلوا الأهل في أي حاجه وبلاش تسمعولهم لأن دي حياتكم أنتم».