عمر مرموش يتصدر قائمة الأكثر تأثيرًا في الشرق الأوسط
«مش عاوزة تغسلّي رجلي».. طارق يُطالب بإثبات نشوز زوجته
الجمعة 23/أبريل/2021 - 05:36 ص
مراتي شخصية عندية
هاجر الصباغ
«مش عاوزة تغسلّي رجلي، ولا تجيبلي الجزمة، ولما بقولها حاجة تقولي أنا مش عبدة عندك»، بتلك الكلمات وقف "طارق" يُطالب بإثبات نشوز زوجته مدعيًا أن زوجته ترفض طاعته في أقل الأشياء التي يطلبها منها، ودائمًا ما تفتعل معه المشاكل وتتهمه بالأنانية والاستعباد.
مراتي شخصية عنيدة
البداية بزواج منذ 5 شهور فقط، لم يفهم الزوجين بعضهما بعد، مجرد زواج تقليدي بعد جلسة تعارف عائلية اتفقا فيها على كل شيء، وتمت الخطبة وبعدها الزواج: « لما جمعنا بيت واحد وسقف واحد تصرفاتها بدأت تبان على حقيقتها، شخصية عنيدة وعلى طول خناق، ولما أكلمها تقولي أنا مش خدامة عندك، ومليش حقوق عندها، ونسيت إن من واجباتها إنها ست وليها بيت تهتم بيه».
طلبت منها تغسل رجلي
الزوج عاد من عمله منهكًا فطلب من زوجته بعض الماء والملح ليضع بهما قدمه ولكنه وجد رد فعل من زوجته لا يتناسب مع طلبه.
وتابع: «20 ساعة شغل من حقي كزوج أتعب، وأرجع لبيتي أرتاح، اتهمتني بإني "سي السيد"، وبعدها سابت البيت ورفعت عليّا قضية خلع، حاولت أتناقش معها بس هي شخصية غريبة وملهاش كبير».
من حقي كست أسمع كلمة حلوة
لترد الزوجة على دعوى النشوز مؤكدة أنه لا يعرف التفاهم، فهي ليست متعصبة كما يدعي ولكنها أيضًا لم تخلق لكي تكون خادمة، فهي كامرأة وزوجة من حقها الراحة.
اقرأ أيضًا.. خالد أمام محكمة الأسرة: «عايز أشوف ابني.. مراتي شيطانة»
وقالت: «محتاجة كلمة حلوة، محتاجة أتعامل بطريقة كويسة شوية، بس هو طول الوقت متعصب وبيزعق وبيشتم، عشان كده مكنش قدامي غير محكمة الأسرة عشان أخلص منه».
