محتاجة فرفوش يدلعني.. مواصفات لفتى الأحلام لا تتنازل عنها الفتيات

«هيسيبك ويخلع».. احذري الارتباط بهؤلاء الرجال

مستقل ويعتمد على نفسه

بينما أكدت عليات كارم، أن أكثر شيء لا يمكن أن تتنازل عنه في شخصية خطيبها هو الاستقلالية، وقالت «أنا ارتبطت قبل كدة وفركشت بسبب إن خطيبي الأولاني كان مش مستقل في شخصيته وبيسمع كلام أهله بطريقة مبالغ فيها، وأيقنت إن ده هيتعبني، لما جيت ارتبط تاني دورت على شخص عنده استقلالية في حياته وقراراته، تكون كل حاجة من دماغه هو مش بدماغ أهله ولا حد بيأثر عليه، الشخصية اللي بتسمع كلام حد بتبقى متعبة».

صاحب الشخصية القوية

بينما أوضحت سما علي، أن أهم الشروط التي لن تتنازل عنها في شخصية المتقدم لها، هي أن تكون شخصيته قوية، قائلة «بحب الشخصية القوية اللي تقدر تتحمل مصاعب الحياة لكن الحنونة العطوفة في نفس الوقت، الراجل اللي يقدر يوازن بين قوة شخصيته وبين حنيته واحتوائه وأن يكون سند وداعم مش محبط».

ابتعدي عن الأناني

فيما أشارت أسماء صالح، إلى أن أهم الشروط التي لن تتنازل عنها في شخصية المتقدم لها هي عدم الأنانية والعند «مش هقبل ارتبط بشخص أناني وعنيد؛ لأن الشخصية دي متسلطة ومتعبة ومش بتحب غير نفسها، علشان كدة لازم يكون شخص مش أناني؛ لأن عانيت من الشخصية الأنانية في حياتي».