حوادث

والدة النقيب الشهيد «أبو العز»: "ابني أصغر شهيد"

الإثنين 25/يناير/2021 - 08:01 م

أنس محمد

وجهت أحلام محمد، والدة النقيب الشهيد محمود أبو العز الذي استشهد خلال عام 2013، التحية لرجال الشرطة المصرية في عيدهم الـ69، قائلة: "كل سنة وكل فرد شرطي بخير وحفظ الله، وكل سنة والرئيس عبد الفتاح السيسي بخير".

ووجهت الشكر للرئيس السيسي لتكريمه لها في عام المرأة على مستوى الجمهورية لشهداء الشرطة، عام 2017.

وتضيف والدة الشهيد في حديثها لـ"هير نيوز" قائلة: "محمود نجلها أصغر أخواته والده توفي وهو كان في أجازة نصف العام الدراسي في الصف الثاني الابتدائي، محمود كان بيحب الشرطة أوي عشان يخدم مصر، وعندي نجلي آخر رئيس مكتب تصاريح العمل، وآخر أستاذ في كلية الشرطة ومصر القديمة تشهد له بذلك، كان طبعه هادئ وبيرضي بأي حاجة لما كبر والتحق بكلية الشرطة كان حياته كلها خدمات للناس، يعني متصور أن هو كان يبقى نائم شوية يجيله تليفون ناس بتتخانق في عين الصيره يقول يا ماما الناس هتموت بعضها، بيحبوني أنا أصالحهم".

وتواصل حديثها عن اللحظات الأخيرة في حياة نجلها: "كان بيختار الفترة المسائية أقول له النهاردة المجرمين بالليل وقطاع الطرق كلهم بالليل حتى كنت بقول لشقيقه اللي هو دلوقتي رئيس مباحث الجيزة كنت هاقول له قول لأخوك إهدي شويه الفتره كلها قلق يقول لي ده شغل يا ماما وده مختار كده.. وإحنا كده أولادنا مخلصين في عملهم الحمد لله كلهم".