تاكسي البنات Pink taxi | فكرة ما بين الهجوم والدفاع على السوشيال ميديا

بدأت مجموعة من الفتيات مشروع جديد من نوعه تحت إسم "pink taxi"، يقدم خدمات توصيل وتعليم قيادة السيارات والعمل كسائقة، حيث يعمل به طاقم عمل مكون بالكامل من النساء، ويمكنك تنزيل التطبيق الخاص بهم على الهاتف المحمول والتواصل معهم لطلب تاكسي تقوده امرأة.

أيدت الكثير من النساء أن المشروع ووصفته بأنه رائع ومناسب من أجل الحفاظ على الفتيات من مشاكل التحرش والاختطاف، حيث تتعامل مع النساء فقط.

وكتبت هاله: «فكرة حلوة وياريت بنات كتير تنفذها منها يشتغلوا ومنها يحافظوا علي بنات الناس دول 4 بنات عملوا فكرة جديدة اسمها "تاكسي البنات " يعني تاكسي مخصص للبنات فقط، نقول تانى التاكسى مخصص للبنات فقط ويكون بعلم الكنيسة وابونا اب اعترافهم الفكره حلوة ومحصلتش قبل كده كل الدعم ليهم ونأمل ان الفكرة تعمم وتكون على نطاق أوسع فى محافظات مصر كلها بوجه عام لأن فيها أمان للبنات بنسبة كبيرة وتكون بطريقه مؤمنه ليهم وللركاب بمعرفة كل محافظه».

وأيدت مريم فكرة "تاكسي البنات" وعلقت: «فكره جميلة جدا جدا»، بينما قال ابانوب: «هاتيجى مجموعه من الى بيخطفو يجيبو كام بنت يشغلوها فالحواره عشان يستدرجو بنات زيهم».

ونشرت صحيفة "pink taxi" على صفحتها الخاصة بموقع التواصل الاجتماعي "فيس بوك" تطلب من الفتيات أن تشارك في العمل بالمشروع: «لو معاكي عربية أو مش معاكي ممكن تشتغلي بردو في بينك تاكسي متشيليش هم بينك تاكسي وفرتلك عربيات .. دلوقتي مع بينك تاكسي تقدري تشتغلي معانا ومش مهم يكون معاكي عربية المهم تكوني بتعرفي تسوقي و يكون متوافر شروط معينة للتقديم».