«خبيرة»: خوف البنات من العلاقة الحميمة وراء فوبيا «مش عاوزة اتجوز»

الإثنين 18/يناير/2021 - 06:09 ص

ولاء أحمد

قالت الدكتورة ياسمين مسعد أحمد، خبيرة الصحة النفسية: إن فوبيا "مش عاوزة اتجوز" منتشر جدًا في الوقت الحالي، وليس من الأكيد كثرته بين النساء فقط بل، بين الرجال أيضًا.

وتابعت في تصريحات خاصة: "هناك إحصائية اتعملت سنة 2017 بتتكلم عن تراجع معدلات الجواز في مصر ونسبة العنوسة واللي وصلت لـ 472 ألف حالة في البنات و687 ألف حالة فى الولاد في الفئة العمرية اللي المجتمع بيعتبرها عانس في سن 35 فيما فوق، مع العلم أن في 2021 مازالت معدلات الجواز في مصر بتتراجع بشكل رهيب لأسباب كتيرة جدًا اقتصاديًا واجتماعيًا ونفسيًا".

أضافت: "مع انتشار حالات الطلاق والمشاكل الزوجية الكثيرة جدا بدأنا نسمع جمل كتير زي: مش عايز اتجوز.. مش عاوزة أكون أسرة.. من كتر اللي بشوفه بين المتزوجين من مشاكل اتعقدت من الجواز".

وأشارت إلى أن الخوف من تحمل المسؤولية واتخاذ القرارات المصيرية وراء انتشار فوبيا "خايفة من الجواز"، وتابعت: "الخوف من عدم اشباع رغبات الشريك كضعف الثقة بالقدرة الجنسية عند الرجال وقلة ثقة البنت فى جمالها أو أنوثتها قد يكون السبب أيضًا، وغيرها من التعلق الشديد بالأهل.