نشروا صورها الخاصة.. تفاصيل فضيحة «هدى» وزوجة طليقها

السبت 16/يناير/2021 - 05:19 م

"كيدهن عظيم".. مثل شعبي شهير، طبقتها زوجة طليق "هدى"، والتي لم تتوقع أن صورها الخاصة ستصبح مادة خصبة للتشهير بها، بعدما أصبحت متداولة بين أيادي الكثير، ودُمرت حياتها وحياة أبنائها الخاصة والدراسية.

تعود تفاصيل الواقعة حينما تعرضت "هدى.أ" للابتزاز من شخص طليقها "محمد إ" 32 عام، وزوجته "آية س" 28 عامًا، نشرا صورها الخاصة وابتزاها بغرض الحصول على مبلغ مالي كبير.

وقالت: "كنت متجوزة وأنجبت ولدين من زوجي الأول، وانفصلت عنه في 2006، وبعد سنين طويلة، اتجوزت من محمد ده، وبعدين انفصلنا من سنة، في هدوء وقطعت علاقتي بيه"، وتابعت: "كنت شغالة في دبي، وبعدين رجعت مصر بسبب كورونا، ولسة راجعة شغل تاني مدربة رياضة في عمان من أسبوع، ولحد كده كانت الأمور كويسة، لحد ما محمد ده عرف هو ومراته إني رجعت أسافر تاني، وهو كان زمان جايبلي خط تليفون باسمي، راح مهكر الخط بكل الأرقام اللي عليه وقدر يوصل لكل الرسايل وصوري الخاصة، وطلب مني هو ومراته يا أدفعلهم 100 ألف جنيه، يا هينشروا صوري على السوشيال ميديا".

واختتمت حديثها قائلة: "بدأ ينشر صوري الخاصة فعلًا واتفضحت، وبقى يكتب عليها إني ست مش كويسة وبشتغل في الأعمال المنافية للآداب، ولفقلي قضايا وطلعني رد سجون، ويشوه صورتي، وصورتي وحياتي فعلًا تضرروا، ومستقبل ولادي".