توك شو

أمل رزق: كنت مرعوبة من بناتي قبل زواجي الثاني

الجمعة 04/نوفمبر/2022 - 12:15 م

أمل رزق

بسمة خالد

أعربت الفنانة أمل رزق، عن شعورها بالخوف من مفاتحة بناتها في الزواج مجددًا عقب وفاة والدهن المنتج إسماعيل كتكت، مؤكدة أن زواجها الثاني جاء عن طريق القدر ولم تسع إليه.

كنت مرعوبة من بناتي

وتابعت خلال لقاءها مع الإعلامية ياسمين عز في برنامج "كلام الناس" عبر فضائية "إم بي سي مصر" عن كواليس زواجها الثاني، قائلة: "بناتي كانوا متدلعين جدا لأن إسماعيل خلفهم وهو كبير، فكانوا بالنسبة له ملكات، ومينفعش تيجي تكلميهم في حاجة من دي، أنا كنت مرعوبة منهم".

وعبرت عن صعوبة العيش بمفردها بدون رجل في حياتها قائلة: "كنت واحدة ومتعودة إني في ضل رجل ودلوقتي بقى معايا 3 وكلنا بنات، فمينفعش تبقى لوحدك في الحياة، لقيت الحياة صعبة ورخمة جدا وفي أشخاص غريبة جدا".

ربنا عايز يكرمني

وأردفت: "أنا مسعتش ليه ولا هو اختيار، ده القدر، حد ربنا باعتهولك كل حاجة فيه كويسة، إنسان كويس، مركز محترم، عيلة محترمة، بيحب بناتي جدا، في شغله طوب الأرض بيحبه واسم رنان، ربنا عايز يكرمني".

محدش يحسدني

وتمنت الفنانة ابتعاد الحسد عنها قائلة: "محدش يحسدني، لأن كل واحد مقفول عليه بابه، ودي كلها أقدار من ربنا، أنا ماتولدتش عارفة أنا هعمل إيه، ربنا كرمني بإسماعيل وطلع رجل محترم وكل الناس بتحبه، ربنا كرمني وبعت لي زوج تاني مايتخيرش عنه بالعكس، وأهله حبايبي وكلهم محترمين رجالة وستات، عيلة بجد، وأنا كنت محتاجة نتلم في عيلة كمان".

وأشارت إلى أنها بذلت مجهودًا كبيرًا لإقناع بناتها بفكرة زواجها معبرة: "خبيت حاجات، لحد ما ابتديت اتعرف على العيلة، وهم حبوه لوحدهم".