«جوزي مريض بالنسوان».. زوجة أمام المحكمة: «قالي هانزل أصلي وراح نام مع جارتي»

"جوزي كل يوم مع واحدة شكل".. هكذا وصفت الزوجة زوجها أمام قاضي محكمة الأسرة بنبرة حزينة وحسرة وشفقة على حالها وحياتها واشمئزازها من أفعاله واعتياده على إقامة علاقات جنسية مع أقارب زوجته وجيرانه وأصدقائه؛ مما جعلها ترفع دعوى طلاق للضرر لتتخلص من العيشة معه.

قالت الزوجة للقاضي بلهجة يشوبها الندم على زواجها من هذا الرجل: "أنا وزوجي متجوزين من سنتين وعندنا طفل أنا كنت عارفة إن زوجي كانت علاقاته النسائية كتير قبل الزواج، بس كان دايما يقولي أنا مش بحب حد غيرك أنا نفسي أبدأ معاكي على جديد ومش هافكر في أي حد غيرك وهتبقي كل حياتي".

 

 

طالبت الزوجة الخلاص من زوجها الخائن، بسبب علاقته المتعددة بالنساء والتي كانت سببا في تبدل حاله إلى هذا، قائلة: بعد الزواج كان كويس معايا، بعد كدة رجع لعادته القديمة تاني وبقينا كل ما نتخانق يروح لوحدة الشقة".

وأضافت: بدأ بممارسة عادته مع أقارب زوجته وصاحباتها، حاولت بعد ذلك متابعته عن طريق ابن عمي كان يرصد كل تحركاته بحجة أنهم أصحاب، وكانت الزوجة حريصة على معرفة ما يجري، وكالعادة يكتشف واقعة خيانة جديدة، وبعدها يرجع يعتذر لها وتحاول الزوجة نسيان فعلته خوفا على مصير ابنها.

وتابعت: "زوجي بعد فترة أدرك أني خلاص بشك في كل تصرفاته وبعرف أجيبه في كل مرة، بعدها في يوم كنا سهرانين وقالي أنا هروح أصلي الفجر، فات ساعتين ومكنش لسه رجع استغربت جدا أنه اتأخر لأن المسجد تحت البيت، لبست ونزلت سألت بواب العمارة، عليه رد  قالي، "زوج حضرتك مطلعش من العمارة ياست هانم" وقتها اتجننت وأدركت وقتها أنه أكيد مع واحدة من جيراني، وكان في واحدة معينة هي اللي بشك فيها لأني شوفت رسايلها على تليفون زوجي كتير، روحت خبطت عليها ودخلت لقيت زوجي في وشي، وقتها أخذت قرار أن ماينفعش أعيش معاه تاني ولا دقيقة واحدة، ورفعت عليه قضية طلاق للضرر".