بملعقة واحدة.. 6 فوائد للعسل تحدث في جسمك لن تصدقيها.. ما هي؟
زوجة في دعوى طلاق: «بيشك إني بخونه وحط كاميرا في الحمام»
الثلاثاء 01/نوفمبر/2022 - 07:26 م
هويدا علي
وقفت الزوجة في ساحة محكمة الأسرة، تطلب الخلاص من زوجها الذي يشك في سلوكها بشكل مبالغ فيه، مشيرة إلى أنه مصاب بعقدة بسبب امرأة كان على علاقة بها قبل زواجهما، وقامت بخيانته مع رجل آخر فأصبح لديه الهوس بشأن الخيانة.
وأضافت الزوجة في دعواها أمام المحكمة: "التقى بي وقام بالتقرب مني وكنت سببا في أنه تناسى ما فعلته به السابقة، ليقرر بعدها خطبتي والزواج بي، بعدما أخبرني بتجربته السابقة واني أنا اللي كنت السبب في استرجاع ثقته بنفسه، رغم ان أسرتي حذرتني منه كثيرا، ولكن كنت على يقين أنه مش هيعمل اللي حذروني منه أبدا".
حط كاميرات في الحمام
تُكمل الزوجة بحديث يملؤه المفاجآت والصدمات التي لم تكن في حسبانها إطلاقا كما بدا على ملامح وجهها أمام القاضي، حيث قالت: “شكه فيا وصل إنه قعد يستجوبني في الرايحة والجاية انتي بتعملي إيه في يومك، ومكتفاش بكدا لأ وإيه، قرر يحط كاميرات مراقبة في كل ركن في البيت حتى فى الحمام عشان يشوف كل حاجة بتحصل، وطبعا دا لأنه شاكك وللأسف الشديد وللصدمة الأشد إن يكون فيه راجل بييجي البيت وهو مش موجود ودا طبعا معناه إن الشك تطور معاه إني بخونه مع راجل تاني وبدخّل رجالة البيت ودي يا سيادة القاضي لوحدها كفيلة بإني أطلب الطلاق والخلع بعد استحالة عيشتي معاه لذلك قررت رفع دعوى طلاق ضده”.
