بدون أدوية.. 3 أطعمة يمكن أن تساعد في علاج الغثيان
سلوى فى طلبها للخلع: مش قادر يحتويني ويطبطب على
ربما أثرت كثرة ضغوط الحياة على بعض الأسر، ولأسباب كثيرة أصبحت قضايا الخلع والطلاق في تزايد خلال السنوات الماضية، لكن في هذه القصة كانت أسباب طلب زوجة ثلاثينية للخلع، به شئيًا من الغرابة لدى مسؤولي إحدى محاكم الأسرة في محافظة البحيرة، إذ حضرت سيدة مهندمة في ملابسها وطلبت إقامة دعوى خلع بسبب عدم قدرة زوجها على احتوائها.
" سلوي.ا.ع"، سيدة تبلغ من العمر 33 عامًا، تزوجت زواجًا عن حب دام بينها وبين زوجها نحو عام كامل، أنجبت خلاله طفلًا في شهوره الأولى، لكنها شعرت أنها لن تستطيع استكمال حياتها بسبب عدم قدرة زوجها على احتوائها فتقول:" كنت بحبه وارتبطنا واتجوزنا، لكن بعد الجواز بقى إنسان تاني، مبقاش اللي بيحتويني ويطبطب عليا، حياتي اتحولت لجحيم، حاولت أصلح العلاقة بيني وبينه أكتر من مرة لكن دون جدوى".
تتابع السيدة الثلاثينية:" المرأة مننا عاوزة شخص يحتويها وأنا في بداية حياتي مقدرش أكمل على كدة، الحياة بقت كئيبة وأنا نفسيًا تعبت، مبقتش حاسة بالحب ولا الدفىء، مع أننا لسة في بداية حياتنا، واقترحت عليه أن نأخذ إجازة سفر لكنه رفض، ذهبت لمنزل أهلي، أملا في أن يراجع حياته ويرجع يحتويني تاني، لكن مفيش حاجة اتغيرت، طلبت منه ارجع اشتغل تاني رفض وقالي إنه مكفيني ماديًا، لكن هو مش مكفينيى معنويا".
تضيف سلوى، أمام مسؤلي مكتب تسوية النزاعات الأسرية بالبحيرة، " الحياة صعب تمشي بفتور خاصة لو في البداية، علشان كدة مش هقدر أكمل ولما طلبت منه الطلاق، يمكن لما ننفصل يشعر أن الحياة مينفعش تمشي بفتور وروتين، وإنى وطفله لينا عليه حق فرفض، وهددني فقلت لازم أقيم دعوى خلع ومش عاوزة منه حاجة".
