مهرجان الإسكندرية السينمائي يحتفي بتاريخ لطفي لبيب.. وسلوى محمد علي أبرز الحضور (صور)
أغرب مشاكل السوشيال ميديا: «جوزي رافض الخلفة بدون ضمانات» والتعليقات: «مريض نفسي»
الأربعاء 31/أغسطس/2022 - 11:35 م
ساندي جرجس
طرحت سيدة إلى النساء مشكلتها على موقع التواصل الاجتماعي "فيس بوك"، حيث تتساءل من أجل ابنة عمها التي وقعت في خلافات مع زوجها بسبب رفضه للإنجاب.
جوزي رافض الخلفة بدون ضمانات
وكتبت في منشورها: «بنت عمي في العيلة معاها مشكلة ومش عارفه تعمل ايه وهي سايبه البيت بسبب أن جوزها مأجل معاها موضوع الخلفة والأولاد وبعد ما فتحت معاه الموضوع تاني اكتشفت أنه بيقولها عايز منها ضمانات قبل الخلفة وأن يكتبوا حاجة ما بينهم تضمن انها لو انفصلت عنه تخليه يشوف الأولاد وأنها متستغلش الموضوع في انها تاخد شقته منه بحجة الاطفال... هو الموضوع يبان غريب بس هي عرفت منه بعد ضغط أن كذا حد من عنده في عيلته حصل معاه الموضوع ده وهو كمان محامي فا بيشوف من ده كتير فا ايه الحل في الموضوع ده علشان مش مستوعبين انه يفكر كده».
وكانت التعليقات كالآتي:
قالت لمياء: «وعليكم السلام ورحمة الله وبركاته
شاف ايه ولا عشان محامى شاف فى المحاكم.. هل يعقل هذا الكلام .. هل. صوابعك.. زى بعضها وهل يوجد ضمانات.. اكثر ماهى زوجة وماتمنه على نفسها وعرضها معاك دة انسان غير متزن.... تماماااا...... انفصلى.... وربنا يعوضك».
وعلقت هبة: «هو اللي عاوز ضمانات طيب هيقدم لها ايه ضمان ان بعد ما تخلف وهو وعياله يمرمطوها ما يحبش غيرها ولا يتجوز عليها هيقدم ايه ضمان انه لو اختلف معاها مايسيبهاش معلقه ويمنع عنها الفلوس والنفقه ويذلها بمصاريف العيال هيقدم ايه ضمان انه ما يقولهاش عندي مشاكل وهبيع الشقه ويسيبها هي وعيالها من غير مسكن ماهو محامي وال ألاعيب كتير هيقدم ايه ضمان انه ما يبددش منقولات الزوجيه وف الاخر ما تعرفش تاخد منه لا حق ولا باطل.. هي اللي محتاجه منه ضمانات مش هو».
بينما قال محمود: «والله ناصح و واعي.. انا و اي محامي بننصح اي حد اتجوز ميستعجلش ع الخلفه خالص ف اول كام سنة و يأمن نفسه قدر المستطاع عشان فعلا ده اللي بيحصل بعد الخلفه من طمع و جشع الستات و القانون مساعد ع ده».
وعلقت ميادة: «في أجماع أنه مريض نفسي طب أنا مستنياك لا طبعا هو مش مريض نفسي ولا حاجه هو شاف واقع وخايف بس حتي لو أخد ضمانات هيفضل خايف أفضلي مأجله الخلفه مده زي سنه وعشرتكوا ببعض يا تطمنكوا يا لا».
وقالت آية: «هوا من اللي بيشوفه بدأ يخاف ويفقد الثقه فالستات احنا قادرين اوي لدرجة ان محامي يخاف مننا !! عموما الزواج ميثاق غليظ مبني عالموده والرحمة والثقة والراجل شكله مذبذب معندهوش الثقه طلاما مفيش ثقه خليهم مأجلين افضل ليهم هما الاتنين».
اقرأ أيضًا..
