بدون أدوية.. 3 أطعمة يمكن أن تساعد في علاج الغثيان
طالبات عن استمرار الدراسة: "الكمامة مش كل حاجة"
استطلعت "هير نيوز" آراء مجموعة من الطالبات بالجامعات حول الإجراءات الإحترازية الجديدة لمواجهة فيروس كورونا وأستعدادهن لموسم إمتحانات الفصل الدراسي الأول على ضوء قرار استمرار الدراسة في الجامعات وقرار الحكومة أمس بفرض غرامة فورية قيمتها 50 جنيهًا في حال عدم إرتداء الكمامة وإحالة مخالفة كل من يمتنع عن دفع الغرامة إلى النيابة العامة.
بداية تقول الطالبة إيمي ناجي الطالبة بالجامعة الكندية " مفيش إجراءات أصلآ ومفروض الامتحانات تبقى أون لاين عشان نقلل كثافة التجمعات وبالنسبة للقرارات الجديدة هي كويسة بس في حالة لو الكل التزم لأن محدش بيسمع الكلام شوية وبيرجعوا تاني وأصلآ مش الكمامة هي الي هتحمي بشكل كامل يعني لازم المكان يبقى نضيف والأعداد قليلة جوه أي مكان علشان التباعد الاجتماعي وكمان الزبالة مهمة جدًا لقيها في الأماكن المخصصة لها باستمرار لأن ديه أكتر حاجة مليانة أوبئة".
فيما أوضحت سيلفيا سمير الطالبة بجامعة النيل "أنا رايحة الجامعة خايفة ومش حاسة بأمان ومحدش خايف علينا على قد ما بيبقوا عايزين يعدوا السنة وخلاص وكل خوفي أني مش عايزة أرجع لأهلي لاتسبب في أي أذى ليهم لكن مضطرة وباخد بالي والإجراءات الوقائية على قد ما بقدر".
وتحدثت رحمة عبدالعزيز الطالبة بالجامعة الكندية قائلة " انا شايفة أن أحسن حاجة إن اللي مش هيلبس الكمامة يطبق عليه غرامة ودي حاجة كويسة وأكيد يعني الأمتحانات الأون لاين أحسن وكان ممكن تتم بشكل آمن مفيهوش غش بطرق كتير علشان خاطر منتعرضش للزحام في وسائل المواصلات والتعامل مع ناس كتير ونكون عرضه للإصابة وبالتالي برضوا هنرجع لأهالينا وأخواتنا وكل فرد فينا بيتعامل مع ناس تانية كتير ونرجع نقول الأعداد في تزايد ما طبيعي ولو متمش التصدي ومواجهه الفيروس بإجراءات أكتر والأهم إلتزام الناس بيها الأعداد بالشكل ده هتزيد".
