أخبار وتقارير

مؤسس «أمهات مصر» تُناقش مع أولياء الأمور طبيعية اليوم الدراسي لأبنائهن

الأحد 17/أكتوبر/2021 - 05:32 م

آلاء أحمد

وجهت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، سؤالاً إلى أولياء الأمور من الأمهات تضمن: "يا ترى الأمهات لسه بتذاكر وبتراجع لولادها؟، كلمونا عن يومكم بيكون إزاي من أول خروجهم من المدرسة"، كما طالبت "عبير" الأمهات بالتركيز مع أبنائهن خاصة بالمراحل الأولى، نظرًا لحساسية وأهمية هذه المراحل في تأسيس الطفل والتلميذ، مؤكدة أن المراحل الأولى هي التي يعتمد عليها الطفل عند التحاقه بباقي المراحل حتى الجامعة.

ولاقى المنشور تفاعلًا من أولياء الأمور، على صفحة اتحاد أمهات مصر عبر موقع التواصل الاجتماعي "فيسبوك"، حيث قالت ولي أمر: "بنذاكر وبنراجع واللي بيقف معانا بنسمع فيديو عن شرحه ونرجع نشرحوا تانى معتمدين علينا اعتماد كبير".

وأضافت أخرى "اليوم بيعدي بسرعة جدًا ومش بنلحق نذاكر كله بنحاول على اد ما نقدر الأول نخلص واجبات المدرسة والمذاكرة لأن الكويزات عندنا بدأت ربنا يعينا ويعين كل أم".

وذكرت ولي أمر"اليوم بيكون مشحون أول ما بيرجعوا ياخدوا شاور ويتغدوا وساعات يريحوا ساعة وساعات لا ونبتدي الكفاح ما بين هوم وورك وحفظ وحل شيتات ونراجع على القديم وتحضير الجدول وبيكون اليوم خلص وإحنا خلصنا وننام علشان نصحي بدري تاني يوم".

وتابعت أخرى، "في راحة أولاً بعد المدرسة وبعد كدا متابعة لما أخذ بالمدرسة ومذاكرة البيت وربنا معانا بجد"، واستكملت أخرى: "اه طبعا، وفى مواد أنا إللى بديهالهم مش بياخدو فيها دروس ويومنا زى أي يوم قبل كورونا".

وأشارت ولي أمر: "بنذاكر معاهم طبعا وطول اليوم مذاكرة واليوم كمان مش بيكفى، الله المستعان"، وأضافت ولي أمر أخرى: "بنذاكر من بعد ما بيرجعوا من المدرسة وبنام ساعة ونصحى نتغدى ونكمل مراجعة واليوم بيجرى بسرعه جدا".

اقرأ أيضًا..