بدون أدوية.. 3 أطعمة يمكن أن تساعد في علاج الغثيان
للمُعلمات.. خطوات لكسب قلب الأطفال من أول لقاء
الإثنين 20/سبتمبر/2021 - 07:27 م
عبدالله أبو الخير
نصحت الدكتورة سهام حسن؛ أخصائية نفسية وتعديل سلوك؛ من يتعاملن مع الأطفال سواء بحكم وظيفاتهن أو غيره؛ أن تبادر الأطفال بمجرد رؤيتهم بالكلام المعسول والمحفز، حتى تحصل على حبه واستجابته.
وكتبت "حسن" عبر صفحتها الرسمية على موقع التواصل الاجتماعي، فيسبوك، " المثل المصري بيقول:"لاقيني ولا تغديني"، ومع الأطفال لاقيني وحفزني وشجعني واحتويني، وأول مقابلة مع الطفل محتاج يتخطف منك بكلام حلو تشكر في لبسه في نظافته، في شعره في، شوزه لو حكمت".
وتابعت، "المهم تخليه يتكسف من الكلام الحلو وشه يحمر من الفرحة، لأن على الأغلب بيكون مفتقد الكلام الحلو والتحفيز وأنا أوعدك وقتها أول مقابلة هتستمر معاك لحد ما تخلص شغلك".
وشددت على ضرورة التعامل بحب مع الطفل، قائلة "بمعنى لو اتعاملت بمنطلق الشغل وانجز يابني، انطق ولا طور مهاراتك اللي بشتغل عليها دي وانجز خليني اخلص الجلسة، لأن كده ولا هتجيب نتيجة معاه، فالأطفال بلا استثناء عندهم ذكاء عاطفي عالي جدًا حتى لو أولادنا من أصحاب الهمم، لو لمح في عينك التعامل بمصلحة الشغل مش هيتعاون معاك في الجلسة".
اقرأ أيضًا..
وأضافت، "أما لو عينك مليانة حب هتاخد عينه واحلى شغل هيطلع منه ونتيجة والله، لو عايز تشتغل مع الأطفال حب نفسك أولًا عشان هينعكس على طاقتك معاهم وافصل ضغوطك عن شغلك وحبهم أوي وخلي عندك صبر وسيب الباقي عليهم هينسوك نفسك وهمك وضغوط الحياة كلها".
