بدون أدوية.. 3 أطعمة يمكن أن تساعد في علاج الغثيان
نانسى ماهر تقدم 7 نصائح للزوجة قبل قرار الانفصال
الأحد 12/سبتمبر/2021 - 06:11 م
عبدالله أبو الخير
قالت الدكتورة نانسي ماهر؛ خبير العلاقات الأسرية ومرحلة المراهقة؛ أنه لا بد من مراعاة مجموعة أمور قبل اتخاذ قرار الانفصال، لكيلا تزداد العوائق والمشكلات بدلا من أن تحل، وذلك وفقا لما نشرته على صفحتها الشخصية على الفيس بوك.
حيث كتبت ماهر: "مشكلة الانفصال وتبعاته كتير قوي، وعاوزه من وحي المشكلة دي اقولكم شوية نقط:
١. الانفصال قرار مش سهل تماما واذا كان الجواز منظومة فالانفصال مجرد مخرج ناس كتير وهى بتقرره، بتبقي شايفه فيه الخلاص من العذاب اللي هم فيه، ناس كتير بتحاول وتقاوح كتير قوي علشان متوصلوش وناس بتستسهل الدنيا واول مشكلة متعبة تمشي.
٢. فكره الخساير دي مش سهله قبل ما ننفصل لازم نعمل دراسه مفصله ونشوف الدنيا هتمشي ازاي مش باي باي وخلاص.
٣. طبعا مش في كل الأحوال ده بيبقي متاح، في رجاله وستات كتير بترمي الدنيا ورا ضهرهم وتقولك م ش لاعب، وساعتها الحرب النفسيه اللي بتواجه الطرف التاني كبيره قوي.
٤. اللي بيمشي ويسيب الدنيا وراه ده غالبا بيدور علي راحته ومش بيبص علي مسئولياته، وقطعا في ناس محترمه كتير جدا بتنفصل وتفضل محافظة على واجباتها ومش مقصرة.
٥. لو واحد مشي وساب التاني بمسئوليات الاولاد وراح هو اتجوز او عمل علاقات أو عاش حياته (علي حد تعبيرها) بتلاقي اللي اتظلم في العلاقة دي تعبان قوي و حاسس بالظلم والغضب، واحيانا بيستني العدل الإلهي في حياته زي ما شايف التاني متدلع ومتنعم وهو تعبان وشقيان.
٦. الحزن والظلم دول بيخلوا الإنسان يتثقل المسؤولية ويحس انه مش قادر يشيلها وهنا بتتغير معاييره لو مفقش لنفسه ولحق أفكاره.
٧. علشان كده الزوجة دي مش عايزه تسيب عيالها فعليا ومش هتستحمل تبعد عنهم، هي بس بيحركها مجموعة مشاعر متوجهه في طريق سلبي ومش عارفه تسيطر عليها، فالناس اللي حكمت وهاجمتها في بعض التعليقات ارجوكم رفقا ببعض، ممكن تكون بتفضفض بس لكن مش هتقدر علي ده وحتى لو عملت كده هتخرج تجربة جديده برضه مش مدروسة وساعتها برضه هتفتح علي نفسك ابواب لازم تبقي قدها، في رجاله بتعند وبتاخد الأولاد وتتمادى في القسوة وممكن ساعتها تخسري عيالك فعلا لو طلبت حضانتهم رسمي.
وأشارت إلى أن: "الخلاصة حاجتين؛ اولا لازم تدوري على مساعدة حد يدرس معاكي الشيله ويساعدك على التقبل وإيجاد حلول والتعامل بشكل صح مع زوجكن واستيعاب الأمور والحكم عليها بشكل أقل انفعالية.
وتابعت:" وثانيا إنك تبصي للأمور بمنظور مختلف وتدرسي قراراتك صح وتشوفي اذا كان فيه حقوق أو إجراءات تقدري تعمليها علشان حقوق بناتك".
ونصحت :" إذا كان في أدنى فرصة للإصلاح انصح ان حد يقعد معاكي ومع الزوج ويدرس كل الأبعاد ونشوف سبب الانفصال ونفهم كل طرف اسبابه ايه، ويوضح الحقوق والواجبات الاول ولو مجبش نتيجة يبقى نوصل لقرار رسمي واضح بدل الانفصال لان الوضع كله غير صحي لكل الأطراف.
