مجسمات بالصلصال.. مرام السيسي وتجربة الـ MCLAY

في الآونة الأخيرة أنتشر لدى الناس حب شراء الأشياء المصنوعة بالصلصال، وهذا ليس فقط لدى الأطفال لكن لدى الشباب أيضًا، وصناعة الصلصال ليست سهلة بالمرة وهنا سوف نرصد تجربة مرام السيسي ذات الـ 32 عام مصممة "موشن جرافيكس" وخريجة كلية الآداب إنجليزي قسم أدب أمريكي.

عملت "مرام" عامين مدرسة لغة إنجليزية وسبع سنوات في مجال الرسم والإخراج، لكنها بعد ذلك اتجهت لتعليم نفسها بنفسها وبدأ عمل الصلصال معها كلعبة مسلية في وقت الفراغ بين العمل.

تابعت مرام لـ "هير نيوز": " في الحقيقة مع أول دخولي مجال الـ motion أول هدية اتهاديت بيها، كانت أدوات صلصال واستغلتها أني أعمل أشكال أكتر ومع الوقت الموضوع بدء يكون مسلي وفي تحدي بالنسبة لي وبيضيف لي سعادة غير طبيعية لأنه في قدرة أنه ينقلني لعالم تاني وبالفعل بقيت عاملة هدية إسبوعية لنفسي أني كل يوم خميس، أجيب حاجة جديدة من أدواته لحد ما بدأت أنحت أشكال أكل حقيقية على قد ما أقدر واللي كان بيشجعني أن عمر ما حد أخد باله أنه صلصال ودايمًا كانوا بيتفاجئوا".

واستطردت: "بعدها أخدت قرار أن نفسي شغفي وحبي للصلصال يتحول من مجرد هواية وقت الفراغ لشغل وتفاصيل مني ومن فني تتنقل للناس، و بدأت مشروعي MCLAY اللي من خلاله بقدم أي منتج مصنوع كليًا أو مشغول عليه بالصلصال الحراري زي مجات أو سلاسل أو خواتم، صواني، أطباق، علب شبكة، وحاجات تانية كتير في اللي تم بالفعل وفي اللي لسة تحت التنفيذ MCLAY حاليًا ONLINE علي FACEBOOK و INSTAGRAM ومع بداية السنة الجديدة MCLAY هيكون لي مقر في الدقي معروض في كل حاجة تخص الصلصال الحراري"

تابعت: كل ما تتمناه أن يقدر الناس الجهد المبذول في عمل المصنوعات بالصلصال والأعمال اليدوية بشكل عام، لما فيها من جهد وبذل طاقة ووقت.