توك شو

امرأة في مشهد.. لما مامتك تتخانق معاكي عشان عملتي بنصيحتها!

الثلاثاء 31/أغسطس/2021 - 10:11 م

عبد الرافع علي

أكيد كل بنت مُقبلة على الخطوبة أو الزواج أوّل حاجة بتفكّر فيها هي شكل العلاقة اللي هتكون بينها وبين حماتها.

وده لأنها إما تكون علاقة طيبة، قائمة على الحب والاحترام المتبادل بين الطرفين، ودي بتكون حاجة في منتهى الجمال والاحترام، وبيها هتضمني إنك هتعيشي أنتِ وجوزك في سعادة تامة.

أو إنها تكون علاقة تشبه علاقة القط والفأر، وبيني وبينك السبب إن العلاقة تأخد الشكل ده بيكون إن كل طرف من الطرفين في ضميره أشياء سيئة تجاه الطرف الآخر.

فالعروسة مثلاً حاسة إن حماتها قنبلة ذرية هتنفجر في وشها في أي وقت، ومن هنا بتبدأ تتصيّد لها الأخطاء على الفاضي والمليان.

علشان علاقتك بحماتك تكون علاقة طيبة قائمة على الحب والاحترام، يبقى لازم تحطي في دماغك إن حماتك في مقام والدتك بالضبط، وإنك زي ما بتحترمي والدتك المفروض تحترمي حماتك؛ طبعاً أنتِ هتقولي إن تصرفاتها بتضايقك وبتخليكِ أحياناً مش طايقة تسمعي سيرتها.

علشان كده عايزاكِ تكوني ست شاطرة، قادرة إنك تحافظي على بيتك وجوزك وحياتك بشكل صح، وتعرفي إزاي تقضي على غيرة حماتك، مش كده وبس، وتعرفي كمان إزاي تكسبي قلبها، وتخلّيها تحبّك، وتشيل أي غيرة من قلبها أو من عقلها من ناحيتك.

اقرأ أيضًا..