كلام ستات

خلي بالك لما تيجي تنصحي حد.. 5 أشياء تفاديها

الأربعاء 25/أغسطس/2021 - 02:05 ص

عبدالله أبو الخير

نصحت الدكتورة نانسي ماهر خبير العلاقات الأسرية ومرحلة المراهقة، لمن يحب أن ينصح غيره، بألا يشعره باللوم أو السخرية، فهناك فرق بين النصح و"التنظير، التقطيم، الازدراء"، وذلك عبر منشور كتبته على صفحتها الشخصية على فيسبوك.

وقالت نانسي: "خلي بالك لما تيجي تنصحِ حد:

١. متحسسوش أنه مقصر لأن الفترة دي الناس كلها جايبه آخرها في كل حاجة" طاقة _ مجهود _صحة- فلوس_الخ.. فلما تيجي تنصحه متحسسوش أنه مقصر في حاجة أو في حاجة كان المفروض يعملها بشكل مختلف.

وأضافت ماهر:

٢. بلاش لهجة (اعمل كذا وإلا)

الناس قلقانه لوحدها، النصيحة بتاعت لو معملتش هيحصل كذا؛ بتوتر جدا، وتؤذي أكتر ما بتفيد لأنه لو عرف يعملها هيبقي تمام، لكن لو معرفش أو بيحاول هيفضل متوتر وحاسس يا( بقلة الحيلة أو الخوف )

٣. النصيحة مش أمر، والناصحون العاقلون هم اللي بيدوا النصيحة من باب ارمي خبزك على وجه المياه يعني ايه؛ يعني ينصح حد لمصلحته مش لمصلحتك أنت الشخصية، وهو أكيد هيخاف على مصلحته أكتر من أي حد، ففكرة إنك تنصحني وبعدين تضايق لو معملتش بالنصيحة وتاخد الموضوع على نفسك أو أعصابك أو كرامتك".

وأردفت: "ومش بس كده ، ده أنت ممكن تستني لما اتصرف ولو طلعت مش صح تفكرني إنك نصحتني وتلومني إني مسمعتش النصيحة، كل دي حاجات تدمر أي حد بيتنصح وتشتته جدا وسط المشكلة او الموضوع .

٤. النصيحة معاها حرية لأن اسمها نصيحة مش أمر، فلما تنصحني، أنا بفهم إني أنا حر أنفذ أو لا ولو غيرت أو معملتش بيها محدش المفروض يتضايق .

٥. أصعب أنواع الناصحين اللي يبان بينصحك وهو بيدور على مصلحة شخصية أو فايدة من وراك، أو اللي بينصحك علشان حاجة مش في صالحك لسبب عدم صدق نية أو إخلاص، أو حب لخيرك، وربنا يدي حكمة لكل حد بينصح ويفهم دوره وحدوده، ويخلينا نترفق ببعض.

اقرأ أيضًا..