مقالات

نشوى الحوفي تكتب : دوا مر.. ولكن لا بد منه

الأربعاء 04/أغسطس/2021 - 03:01 م

صباح الخير ...

20 رغيف بجنيه....اولا دعم رغيف العيش لازال جزء كبير من أشكال الدعم اللي الدولة بتتحمله...إنتاجه ٦٥ قرش يباع في التموين ب ٥ قروش...كام واحد بيشتريه؟60 مليون بني آدم...بنستهلك كام رغيف مدعم يوميا ؟ من 250 مليون إلى 275 مليون رغيف...اضربوا معايا 60 قرش فرق تكلفة وبيع في 250 مليون رغيف (بلاش الحد الأعلى)...الرقم اللي حيطلع بالمليون ده في يوم واحد...اضربوا في شهر ثم سنة حيطلع بالمليارات...

رقم تاني أعرضه على حضراتكم هو نسبة استهلاك العيش في الأسر...الريف بمتوسط ١٣ رغيف يوميا والحضر بنسبة ١١.٤ يوميا...الريف أعلى... سامحوني العشرين رغيف بجنيه...هل ده طبيعي...اكيد لا... وعشان كده بقى ارخص من علف الفراخ.

ثقافة المصريين مرهونة برغيف العيش حتى لو حاف وده لازم يتغير.. لصحتهم ومصلحة الدولة..من سنين الربط العيش حتى بالشغل فبقى العمل لقمة عيش...لكن لازم نغير ثقافة اكلنا .عشان نقدر نكمل بدل ما نصحى كمان ٢٠ سنة نقول ما صلحناش ليه...الدعم أزمة مصرية عشنا فيها سنين والسادات سنة ٧٧ كان عاوز يزود سعر الرغيف ...وقوموا عليه الدنيا جهلا...لازم اي سلعة نتحمل تمنها عشان نعرف قيمتها فنحافظ عليها...

اما السادة اللي بيقولوا ان الريس عمل طرق عشان هو وجيشه يستفيد منها...فدي كارثة لو ده فهمهم للطرق والجيش...

الطرق ثقافة اقتصاد...تشغيل عمالة...نقل بضايع...تعمير باسكان ومشاريع...وبنية تحتية بلقيس ثروات المدن وراسمالها...

اما الجيش بقى فهو سندك وأمانك وعزك...مش بس الريس اللي متحامى بيه...كلنا بعد ربنا متحامين بيه...لولاهم كان حالنا يبكي...فياريت تعرفوا قيمة جيشكم ولما تحطوه في جملة مفيدة تقدروا التمن اللي بيدفعوه والأمان اللي بتاخدوه ...وأنهم ولادنا وحتة مننا

واخيرا...لما يكون ٢٠ رغيف بجنيه...فده غير منطقي في اي حته بالعالم...خلونا نخلص من منظومة فساد الدعم...دوا مر لكن لازم ناخده.

_____

الصفحة الرسمية للكاتبة نشوى الحوفي على فيسبوك