تعرفي على طقوس الفنانات في عيد الأضحى

 

هنا شيحة
العيد بالنسبة لى عائلتى وأولادي بحب انتظر أي إجازة عشان انبسط مع ولادى كنا بنسافر خارج مصر ولكن المرة ديه بنقضيه
فى الجونة أنا بحب اللحم البقري المشوي بس مش باكل كتير منه.

هنا الزاهد
كل سنة واحنا طيبين دايما بحب أزور عيلتى وكنا بنحب نسافر مع بعض بس السنة ديه سافرت قبل العيد المالديف فقررنا أنا وأحمد إننا نكون موجودين فى القاهرة أول يوم ومن الممكن أن نذهب إلى الساحل تانى أو ثالث يوم.

نجلاء بدر
العيد ده مختلف مع الجو العام ومرض عدد من الزميلات خلانى كان همي الأول إني ادعيلهم فى كل وقت بحاول أتابع أخبارهم باستمرار لذلك أنا فى مصر مش هسافر برة فى إجازة العيد وياريت كلنا ندعيلهم فى الأيام ديه عشان فرحة العيد تكمل لما يقوموا بالسلامة.

ريم البارودى
على نفس الخط كانت ريم البارودى الذى كان شغلها الشاغل حالة الجو العام الذي يعاني منها الوسط خصوصا بعد مرض ياسمين عبد العزيز ودخولها في غيبوبة مما تسبب فى وجع وقلق لمعظم الوسط الفنى حيث قالت ريم بحس إنى بقيت كل أما ادخل على السوشيال ميديا اكتب الف سلامة أو الدعاء بالرحمة ربنا يخفف عننا جميعا الأيام ديه ولا ينتهى العيد إلا وكلنا مبسوطين ومرتاحين ومطمئنين على زمايلنا كلهم.

هند صبرى
بالرغم من أن العيد مختلف هذا العام على التوانسة جميعا لأننا نشعر بقلقها على ما يحدث بالأراضي التونسية بسبب فيروس كورونا إلا انى حاولت أن أكون مع عائلتى بالساحل الشمالى حتى يستمتع البنات لأن ليس لهم ذنب ولكن متابعة لحظة بلحظة ما يحدث في تونس وما يحدث لياسمين ومدام دلال وكل المرضى الذى ندعى لهم جميعا.