طرق ذكية لإزالة بقع الشحوم والزيوت من الملابس في دقائق
ياسمين علي بعد طرح "نفسي تعرف": قرفتها حلوة
أعربت الفنانة ياسمين علي، عن سعادتها الكبيرة، وذلك لطرحها أحدث أعمالها الفنية بالساعات الماضية، والتي هي بعنوان "نفسي تعرف"، وذلك على طريقة الفيديو كليب، كما حرصت على توجيه الشكر لجميع القائمين على العمل.
ونشرت الفنانة ياسمين علي عبر صفحتها الرسمية بموقع تبادل الصور، والفيديوهات "إنستجرام" مقطع من العمل، وعلقت عليه قائلة "لو حبيت أتكلم عن الغنوة دي بالذات.. فأنا بنبهكم إني هاكتب كلام كتير فاستحملوني.. مش عارفة ابتدي منين ولا منين.. أقول أنها من ساعة ما جتلي وهي قرفتها حلوة أوي".
وتابعت ياسمين علي "يا دوب سمعتها من الملحن محمود الخيامي وعجبتني أوي وسمعتها على طول للشيخ فهد الزاهد.. وعلى الفور وافق عليها وحبها لمجرد أنه سمعني وأنا بدندنها بس.. وعلى طور اتسجلت".
وأضافت ياسمين "احكي بعدها بقى لما الشيخ فهد يؤمن بي كمخرجة ويختار هو فكرة الكليب الرئيسية.. ويجازف باسمه بأنه يتحط في أول إخراج ليا.. ويوافق ويدعمني.. وما يبخلش على الكليب نهائي.. وأنا واحلم بشكل الكليب وفي خلال أسابيع نتفق مع فريق التصوير اللي كلهم وقفوا جنبي وكانوا بيشتغلوا بحب".
واستطردت "وأكلم خليل ويوافق يبقى معايا وهو أول مرة يمثل في كليب ويقولي جملة عمري ما هنساها.. أنه عمره ما بيعمل ده بس هايعمله معايا لأنه عارف.. أي مضمون لأغنية بقدمها بتبقى محترمة فيبقى فرحان وهو في المحتوى ده.. اللي بشكره جدًا جدًا جدًا.. وننفذ تصوير الكليب يوم 5 يناير ونسلمها بعدها بأسابيع لشركة لايف ستايل وتطلعلكم زي ما شوفتوها دي حكاية أسهل غنوة عملها تقريبًا.. الحمد لله".
واستكملت "شكرًا للي وقفوا جانبي.. شكرًا لأهلي.. شكرًا للشيخ فهد اللي دعمني.. وأمن بيا من أول ما ظهرت.. شكرًا للرباعي اللي كانوا في ظهري في التصوير للدكتور محمد حسين، مدير التصوير.. وشكرًا مدحت المونتاج، والجرافيك اللي طلعت عينه وكامبا واللاتا اللي عادي بطلع عينها هنا حافظ.. ومساعدين الإخراج وليد وعمرو اللي طلعو عينهم أكتر من هنا شوية.. وشكرًا ليكم أنتوا أنكم جنبي يارب تحبوها يا رب.. بس أنا خلصت كده.. توتا".
وكانت ياسمين علي، طرحت منذ ساعات قليلة أحدث أغانيها، وهي بعنوان "نفسي تعرف"، على طريقة الفيديو كليب، وهو من إخراجها، ومن ألحان محمود الخيام.
