فن وثقافة

نادية العراقية تُناشد السيسي: «الفنان يمرض ويموت من قعدة البيت»

الأحد 21/فبراير/2021 - 04:27 م

مارلين عبدالملك

أبدت الفنانة نادية العراقية استياءها من تجاهل المخرجين لأغلب نجوم الزمن الجميل، قائلة: "الناس بتمرض وتموت من قعدة البيت حسن يوسف آخر واحد فاضل من النجوم القدامى قاعد في البيت".

وتساءلت: "ليه الـ 10 المبشرين بالتمثيل هما اللي شغالين في كل الأعمال والباقيين قاعدين ليه"، مستكملةً: "المنتجين بيجيبوا ناس من الشارع كبيرة في السن عشان يمشوا الدور ويدوهم ملاليم".

وناشدت نادية الرئيس عبد الفتاح السيسي بعودة الإنتاج الحكومي من خلال مدينة الإنتاج الإعلامي وصوت القاهرة لإيجاد أدوار للممثلين القدامى ذو الخبرة وتحقيق عائد مادي للدولة.

وتابعت: "المبدعون الكبار في السن فقراء وعايزين يجيبوا أدويتهم، فيه ظلم بين لهم، قعدة البيت دي حرام، ليه إحنا في القائمة السودة هو إحنا إخوان ولا من تل أبيب ولا إحنا صهاينة؟!.

واستكملت، "المنتج بيقولي أمضي وخلصي بألف جنيه في ناس بتدفع فلوس عشان تظهر في التليفزيون، مع احترامي لكل الموجودين على الساحة الكلمتين اللي بيقولهم أعرف أقولهم باقتدار وأحسن منهم".

وأضافت: "بقالي 20 سنة بمثل وعملت أكثر من 45 فيلمًا وأكثر من 65 مسلسلًا وبعد ده كله يجي عيل يعملي "تيست" كاميرا ويقولي اتفضلي يا مدام قولي الكلمتين دول قدام الكاميرا نعم ده أنا معلمة يا واد، بجد القعدة في البيت أكرم".

واختتمت" نادية" حديثها، قائلةً: "لازم الدولة ترجع الإنتاج الحكومي، كفاية مهزلة بقى الرئيس زي ما بيهتم ببناء الطرق والكباري لازم يهتم ببناء الفنان؛ لأن الفنان زي السمكة لو طلع من المياه يموت".