قصة إفلاس محلات صبحي كابر وبيع محلاته.. وكيف تفاعل الجمهور؟
الشتاء يكسو جروبات البنات.. «الأوكازيون» يتصدر اهتماماتهن
الأحد 21/فبراير/2021 - 05:51 ص
ميادة فتحي
تحولت جروبات الستات والبنات خلال الساعات الأخيرة، لساحة تساؤلات حول التخفيضات أو الأوكازيون على الملابس، وبادرت العشرات من الفتيات وخاصة ممن قربن على الزواج، بتساؤل «الأوكازيون أمتى وهنشتري إيه وبكام؟»، لتجيب بعض أصحاب جروبات الملابس، عليهن، بوضع لينكات جروباتهن على موقع التواصل الاجتماعي« فيس بوك».
وكتبت روان محمد، على إحدى الجروبات قائلة: « يا بنات أنا عروسة وفرحي في شهر 4 اللي جاي، ممكن تقولولي فين أماكن التخفيضات على ملابس الخروج الشتوي في نطاق محافظة الإسكندرية؟، ناس قالولي فيه عروض حلوة دلوقتي بس أنا مش عارفة أماكن»، لترد عليها عشرات البنات حول أماكن التخفيضات بمحافظة الإسكندرية: «في تخفيضات حلوة أوي على الملابش الشتوي في المنشية وسيدي بشر وكل مكان في إسكندرية، وفيه سيل حلو جدًا على الملابس بأنواعها، وربنا يتمملك على خير».
بينما تساءلت مريم نصر، عن أماكن عروض الملابس الشتوي وبيع الصيفي: «والنبي يابنات تقولولي أماكن تخفيضات على الملابس الشتوي، وكمان لو نزلوا صيفي في محافظة الدقهلية، علشان أنا من اشلرقية وعاوزة أنزل المنصورة اشتري ملابس مرة واحدة علشان فرحي قرب»، لتبادرها الفتيات بوضوع لينكات جروبات كثيرة على الفيس بوك.
وقالت علا محمود: « ربنا يسعدك حبيبتي، دا لينك الجروب بتاعي، عندي ملابس جملة صيفي وشتوي وعاملة عروض على الشتوي تعالي نوريني وليكي تخفيضات كبيرة يا أحلى عروسة».
بينما تساءلت هيام مروان، عن أماكن بيع المفروشات بشرط أن يكون هناك تخفيضات،« اللي يعرف أماكن بيع مفروشات حلوة وعلى قد الأيد يقولي الله يكرمكم أنا عروسة بس ظروفي على قدي بجهز نفسي، فقولولي فين أماكن البيع اللي أسعارها حلوة»، لتبادر الفتيات بالرد عليها قائلين: «روحي المحلة كل حاجة متوفرة وأسعار حلوة وتحفة وعلى قد الأيد».
وعلقت فتاة تُدعي عزة محمود قائلة: «ربنا يتمم لك على خير شوفي محتاجة أيه وابعتيلي خاص وأساعدك باللي أقدر عليه، وربنا يفرحك وأدعيلي ربنا يرزقني بالذرية الصالحة، بعد تعب 3سنين ونص».
