«تروس مصر» تشارك في اطلاق المرحلة الثانية من مشروع «أطفالنا حياة»
بعد اعتذار والدها.. أسما شريف منير: «أنا طايرة من الفرحة»
أعربت أسما شريف منير نجلة الفنان شريف منير عن سعادتها الشديدة وذلك لانتهاء الخلاف بينها، وبين والدها، وأشارت إلى أنها أُعجبت كثيرًا برد فعل والدها، والذي اعتذر لها على السوشيال ميديا، كما أكدت أن العلاقة بينهما دائمًا ما تحمل العديد من الأزمات، ومتوترة بشكل كبير.
ونشرت أسما شريف منير، عبر صفحتها الرسمية بموقع تبادل الصور، والفيديوهات "إنستجرام" فيديو يجمعها بوالدها من كواليس برنامج "أنا وبنتي"، وعلقت عليه قائلة: هي دي تقريبًا علاقتي أنا وأبويا.. ناقر ونقير.. أبويا برج الثور وأنا برج الحمل الاتنين طيبين بس سخنسن ومتسرعين".
وتابعت: "عايزة أحكيلكم موقف مهم جدًا وأثر فيا.. أبويا عمل حاجة امبارح علمتني حاجات كتير أوي.. للي ميعرفش كان في سوء تفاهم كده وكنت زعلت شوية منه.. فاجأة لقيته منزل فيديو عنده على إنستجرام بيطيب خطري وبيقولي متزعليش قدام كل الناس".
وأضافت أسما شريف منير: "طبعًا أنا كنت طايرة من الفرحة ونسيت أصلًا إني كنت في يوم من زعلانة، لأنها حركة في منتهى الجمال والحنية والطيبة.. وكمان علمتني كتير أوي.. وده اللي خلاني أحكي الموضوع.. أولًا أن الاعتذار بيكبر الواحد جدًا عمره ما يصغره.. الكبرياء اللي يخلي حد فاكر أنه لو معتذرش هو كده جامد ده كلام فارغ.. علمني لما أزعل بنتي اعتذرلها لو فعلًا غلطانة عشان عرفت قد أيه بيفرق في النفسية ومش علشان إحنا أهل يبقى مش وارد إننا نغلط".
واستكملت قائلةً: "أبويا جرئ وصادق واللي في قلبه على لسانه وأنا بحترمه وبحبه وبتعلم منه كل يوم.. عامل معادلة صعبة وحقيقي خطرة.. مكس كده ما بين أنه صاحبي وأبويا.. يعني ضحك وتهريج وأحكيله على كل حاجة بس وقت الجد عسكري.. واقفة قدام حضرت الظابط".
وأنهت حديثها قائلةً: "ربنا يبعد عنا العين الوحشة ويباركلي فيه وفي عمره.. وأفضل أتعلم منه كل يوم وأفضل فخورة أنه أبويا العمر كله.. السند والضهر".
وحرص الفنان شريف منير على توجيه الاعتذار لابنته أسما عبر صفحته الرسمية بموقع تبادل الصور والفيديوهات "إنستجرام"، ولم يذكر السبب وراء هذا الخلاف.
