بدون أدوية.. 3 أطعمة يمكن أن تساعد في علاج الغثيان
جروب ستات يشن هجومًا على طباع الرجل: «مش هيتغير يا واخده القرد على ماله»
جروب ستات يشن هجوما على طباع الرجل:« مش هيتغير ياواخده القرد على ماله»
شنت إحدى جروبات الاستشارات الأسرية النسائية، هجومًا على طباع الرجال، حيث أكدت الكثير من السيدات، ان الرجل لن يغير طباعه بعد الزواج، وأنه يجب دراسة طباعه في فترة التعارف ما قبل الزواج، حتى لاتحدث مشكلات.
وتساءلت الدكتورة إيمان الريس، استشاري العلاقات الأسرية الشهيرة على الجروب قائلة،« هل تتغير طباع الرجل بعد الزواج؟»، لتنهال عليها التعليقات من بينهم « مش هيتغير ياواخده القرد على ماله»، وقالت« إن الراجل طباعه مبتتغيرش لو بيغلط فيكي قبل الجواز هيمد ايده بعد الجواز، الحنيه مش ان الراجل يسرحلك شعرك وكلام الفيس الاهبل ده حنيه ولا أكله حلوة وهدية جميلة، الراجل الحنين حاجات كتير زي انه لما يشوفك جايبه اخرك يبقي هو سند وضهر يطبطب عليكي مش يزود حملك».
وعلقت سيدة تدعي دعاء ضيف قائلة،« الرجل الحنين اللي يعرف امتي وقت الغضب يحضنك، الرجل الحنين اللي يعرف يشجعك علي ابسط حاجة بتحبيها حتي لو كانت هيفا، الرجل الحنين اللي يساعدك تحقق أهدافك وحلمك وتكوني كبيره بيه هو، الراجل ابن امه متاخديهوش لو بيموت فيكي وفي فرق بين ابن امه واللي بيحب امه عشان اللي بيختلط عليهم الامر».
استكملت الريس،« بتاع البنات الجواز مش هيلمه هيخونك هيخونك، البخيل بخيل في فلوسه ومشاعره ووقته وحنانه
حتي العلاقة الخاصة بينكم، لو هتاخدي الراجل عشان فلوسه في مثل بيقولك يا واخده القرد علي ماله بيروح المال ويفضل القرد علي حاله، الراجل السطحي الاناني عمره ما هيحب يشوفك ناجحه ومثقفه ومهتميه بنفسك يقلق منك ويخاف يا هيسيبك يا هيكبتك».
