بدون أدوية.. 3 أطعمة يمكن أن تساعد في علاج الغثيان
منى زكي عن ختان الإناث: «جريمة مش عفة»
السبت 06/فبراير/2021 - 10:05 م
مارلين عبدالملك
شاركت النجمة منى زكي، حملات التوعية المناهضة لـ ختان الإناث بالتزامن مع اليوم العالمي لرفض تشويه الأعضاء التناسلية للإناث "ختان الإناث" وهو يوم 6 فبراير من كل عام تحت رعاية اليونيسيف.
ونشرت منى زكي، عبر حسابها على موقع الصور والفيديوهات "إنستجرام"، صورة تحمل رسالة توعية للأمهات وعلقت عليها، قائلة: "مفيش أم تقبل على بنتها حاجة تضرها، بس فيه أمهات لحد دلوقتي مش مدركين قد إيه جريمة بشعة زي ختان البنات بتيجي على كرامة وصحة وحياة بناتهم، ختان البنات مش عفة ولا أي حاجة من الكلام ده، وللأسف فيه أهالي كتير فاكرين إنهم لو عملوا "ختان طبي" لبناتهم يبقى كدة عملوا اللي عليهم، إنتِ أكتر واحدة عارفة مصلحة بنتك، وأكتر واحدة تقدرى تحميها من جريمة ما يقبلهاش عقل ولا طب ولا دين ولا قانون".
وتابعت: "النهاردة اليوم العالمي للقضاء على ختان البنات، وأنا كسفيرة نوايا حسنة لليونيسف حابة أوعي الناس بالقضية دي، خصوصًا إن ناس كتير لسه متعرفش إن فيه جهة حكومية أسمها اللجنة الوطنية للقضاء على ختان الإناث بقيادة المجلس القومي للمرأة والمجلس القومي للطفولة للتوعية بأضرار ختان البنات، فلو عاوزة تستفسري اكتر أو محتاجة مساعدة علشان تحمي نفسك أو بنتك أو أي بنت تانية من الختان، كلمي خط نجدة الطفل 16000 او خط المرأة 15115".
