جمال شعبان يكشف تفاصيل مكالمة محمد رمضان بعد وصفه بالمستفز

وقال الدكتور جمال شعبان: «كتبت منشورا تعليقا على صورة محمد رمضان المستفزة، التي يظهر فيها رزم الدولارات وقلت له شكلها انك مش محتاجها فياريت نوجهها لعلاج المرضى وتوفير الأجهزة للمستشفيات، فرد على بإني ابعتله رقمي الخاص وأقول له علي أسماء المستشفيات واستجبت له علي الفور».

وأضاف:"محمد رمضان كلمني النهاردة الصبح على الرقم الأرضى، وقال لي يا دكتور يا حبيبي انا بحترم اللى كتبته واديت درس للناس كلها وانا ايدي في ايدك في خدمة أي محتاج وانا بعمل حاجات وعملنا حضانات لناس غلابة وهنزور بلد والدتي وادعم الناس الغلابة».

وتابع الدكتور جمال شعبان:"حصرت لمحمد رمضان الحالات المستعجلة في معهد القلب المستعجلة وهيشوفها وهو مش هيتأخر وقال لي ياريت الناس كلها تكتب بالطريقة الراقية بتاعتك أؤيد أننا لا نتصيد الأخطاء لبعض ولا نجلد بعض".

وأوضح انه اقترح عليه تأسيس مؤسسة رمضان الخيرية ونشاط خيري ومجتمعي، مشيراً إلى أنه وافق على الفور ورحب، قائلا: "كلماتي لمست قلبه ولاقت قبولا عنده".

وتابع: "محمد رمضان اعطاني اسماء ناس وانه بيعمل اعمال خير وانا ايدي في ايده، وهنبدأ نعمل حصر لحالات القلب المستعجلة في معهد القلب والدمرداش وهو يقدر يعمل حملة تبرعات رهيبة لإن له تأثير داخل وخارج مصر، والمبلغ اللي يقدر يدفعه هندعم به المرضى".