غادة عبدالرازق: سأتخلص من التاتو عشان حرام.. وخايفة أموت

وقالت عبد الرازق إنها من الأشخاص الذين يخافون من المجهول والموت، وعلقت: "عندي 4 تاتوهات، بس هشيلهم عشان حد قالي إنهم حرام ولما الواحد بيروح عند ربنا في بعض الأحيان بيضطروا يشيلوا طبقة من الجلد أثناء الغسل، وانا بخاف من الموت طبعا برغم إني أكيد بحب ربنا، وده لأننا كلنا بنخاف من المجهول عموما فطبيعي نخاف من الموت".

وأشارت خلال استضافتها في إحدى الندوات الفنية، إلى أنها لا تمانع من تقديم سيرتها الذاتية ضمن عمل فني، وتستعرض خلاله كل جوانب حياتها خاصة أنها تعتبر أن حياتها بمثابة كتاب مفتوح لجمهورها.

وتابعت: "الناس عرفت كل حاجة عني وعن بنتي وأحفادي وغلطاتي. وأنا كنت بتضايق من تدخل الناس في حياتي، لكن دلوقتي بعرف أرد وأقول أنت مالك؟".

وكشفت بطلة مسلسل "تلت التلاتة" عن عمرها الحقيقي، مؤكدة أنها لا تستطيع تصوير ساعات طويلة خاصة أنها لم تعد بسن العشرين من عمرها بل باتت تبلغ 52 سنة، وعلقت: "رحم الله امرئ عرف قدر نفسه".

ونفت الممثلة المصرية ما جرى تداوله عن أن أنجح أعمالها هي التي قدّمتها مع المخرج محمد سامي، وقالت: "بالنسبة للناس اللي بتقول إن أنجح أعمالي هي مسلسلاتي مع محمد سامي، أحب أقول إن أصلاً الناس في الشارع مش بتكلّمني على "مع سبق الإصرار" و"حكاية حياة"، هم بيكلموني على أعمالي التانية، أبرزها "الكابوس"، و"أرض جو" برضه، ولو الناس بتتكلم كتير على أعمالي دي، فده لأنهم همّا اللي عملوا نقلة".

وفاة مصطفى درويش

وأكدت أنها لاحظت النحافة المفرطة التي كان يعاني منها في الآونة الأخيرة خلال التصوير، مرجحة أن تكون الأمور التي يتم تناولها خلال ارتياده النادي الرياضي أثرت سلبا على صحته وعلقت: "الموت بتاع ربنا. ولكن هذه الأمور بتتاخد لناس معينة يتحملوا الكمية، الممثل مش مطلوب منه ده، وبياخدوا الحاجات ديه بيعملوا جيم كتير أوي، وساعات عمل كتير طويلة، وقلة نوم وتفكير، ممكن فجأة يعمل هبوط في الدورة الدموية، وده خطر جداً".