من أرشيف محكمة الأسرة| جوزي عاوزني أشرب معاه حشيش

وأضافت: "اتجوزته صالونات مفيش حب بينا و لا لسه في عشرة تخليني اتمسك به، لكن خوفت أطلب الطلاق و أنا لسه عروسة المجتمع يدمرني بنظراته ورددت: لسه متجوزه من أيام الناس تقول عليا إيه محدش هيصدق إن العيب مش فيا وأنا اللي طلبت الطلاق منه، فقولت أكمل معاه وأحاول أخليه يبعد عن التعاطي".

وتابعت السيدة: "متجوزين من 10 سنين وأنجبنا 3 أطفال، وخلال الفترة دي حاولت معاه بكل الطرق أبعده عن التعاطي ولكنه رفض وفي مرات كان بيضربني لو ضغطت عليه، لما كنت بطلب منه يوقف التعاطي علشان خاطر أولادنا نعرف نربيهم كويس ويطلعوا يلاقوا أب صالح، يرد عليا: ده كيف مش إدمان".


وأردفت السيدة: "الكارثة موقفتش عنده، جوزي طلب مني أكتر من مرة أشرب معاه بانجو ، كل يوم يجمع أصحابه في قعدة أنس كلها شرب ومسخرة وكمان عايزني أجهز لهم سجاير الحشيش وأخدم عليهم في القعدة" ورددت مصدومة: "إزاي هآمن على نفسي وشرفي وأولادي معاه، كل حياتي بتدمر قدام عنيا ومش عارفة أعمل حاجة، مش هسيب ولادي حياتهم تدمر زايي".