تصدرت الفنانة حورية فرغلي محرك البحث "جوجل ترند" خلال الساعات الماضية وذلك بعد حوارها مع المذيعة إيمان الحصري في برنامج مساء DMC الذي يبث على قناة "دي إم سي". 

أبرز تصريحات حورية فرغلي

قالت حورية: "من سنتين كنت عايزة أموت مش عايزة أعيش، فيه كورونا والدكتور اللي ممكن يعالجني موجود في أمريكا والسفارة مقفولة، وأنا مناخيري مش مناخير أصلا مش عارفة أبص في المراية ولا استطعم الأكل ولا أشم أي ريحة، بالنسبالي كان إيه الفرق بين العيشة والموت".

وأضافت، "اخدت ثقة في نفسي غريبة في الفترة الأخيرة، وبقيت اقول اللهم لك الحمد لله والشكر على اللي أنا فيه، واللي مش عاجبه أي حاجة فيا بص الناحية التانية متبصليش بس أنا مبسوطة بنفسي جدا".

وأكدت حورية أنها باتت أفضل بكثير من قبل، وتستطيع أن تحدد رائحة أي شيء بسهولة، بعدما كانت قد فقدت حاسة الشم لفترة طويلة، وتابعت "المفروض أعمل حاجة واحدة ودي مش مهمة أوي، عشان الفتحات في أنفي تكون زي بعض بالظبط، بس دي تتعمل في أي وقت، عايزة أرتاح شوية من غرفة العمليات ".

حورية فرغلي ملكة جمال مصر

وتابعت: " كنت أركز بشكل كبير على جمالي ووجهي وجسدي لأنني كنت ملكة جمال مصر، وطبيعي اهتمامي بشكلي، وأنا الحمد لله صحتي بقت زي الفل، في وقت من الأوقات كنت أواجه أزمة صعبة وكنت أتمنى الموت، مناخيرى مكنتش مناخيري، ولم تكن لدي القدرة على تذوق الطعام أو شم رائحته، إنما حاليا استطيع أن أميز جيدا بين كل طبق ووجبة.. وخضعت على مدار 8 سنوات لحوالي 27عملية"

آخر أعمالها

يذكر أن آخر أعمالها كان مسلسل "أيام" وشاركها البطولة شيري عادل، لقاء سويدان، رياض الخولي، أحمد صفوت، سلوى خطاب، من تأليف سماح الحريري، وإخراج محمد أسامة.

أقرأ أيضا ..

حورية فرغلي: «مش باتعاكس من 22 سنة»