بملعقة واحدة.. 6 فوائد للعسل تحدث في جسمك لن تصدقيها.. ما هي؟
«بعد تصريحاتها الأخيرة عن شيماء» بنات فيس بوك لـ ياسمين عز: «حسبي الله ونعم الوكيل فيك»
الإثنين 02/يناير/2023 - 11:32 م
ساندي جرجس
أثارت تصريحات الإعلامية ياسمين عز، الأخيرة جدلاً واسعاً بين الفتيات على موقع التواصل الاجتماعي "فيس بوك"، حيث إنها كعادتها تنحاز للرجال في تصريحاتها وتقدم نصائح للفتيات حول كيفية الاهتمام بالرجل.
ولكنها في تلك المرة وجهت انتقاد لاذع للفتيات التي لا تهتم بترتيب غرفتها ونظافة ملابسها، وكانت تعليقات الفتيات هجومية كالآتي:
قالت أم معتصم: «في الأول قلت تمام لحد ما قلتي بيت فرعون هنا وقفت وقلت منك لله يا شيخه وحسبي الله ونعم الوكيل فيك».
كما علقت شيماء: «والنبي سبيني في حالي أنا على أخري منك بيت بابا الفرعون بابا تحتمس».
ومن جانبها قالت نادية: «مش كل شيماء شيماء قلب أمها لو لقت هدوم على السرير والشراب مش في الدرج والشنطه مش متعلقه تزعق وتتعصب اوي لازم كل حاجه في مكانها طول عمرها رتبه ومنظمه وشطره الله يصلح حالها».
وعلقت ناريمان: «انتى ايه حكايتك مع الآثار كأنك مش مضبوطة يا بت».
وقالت رودي ساخرة: «إلى كل شيماء راحتك يا حبيبتي ومالكيش علاقة بكلام أبلة ياسمين».
وعلقت كوكو: «ده اكيد كان حالك وانتي بنت في بيت أهلك اتلمي بقى».
وقالت سلمى: «جرا اي يشيمو بتسيبي هدومك والاوضه مش نضيفه وتخلينا نسمع الوليه دي ليه».
كما علقت ام عماد: «وانتى عرفتى كل ده ازاى يا ياسمين الهنا والسعد انتى بتقولى الكلام بالترتيب وبالمللى زى مانتى بتعملى بالظبط وجايه تطلعيه علينا لا ياحبيبتى فوووقى لو انتى بتعملى كل ده احنا ولله الحمد مش كده خالص متجبيش عيوبك فينا، ثانيا بقي انا جوزى بيعمل كووووول اللى قولتيه ده بالمللى وبيقولك اتلمى واصطبحى وقولى ياصبح عشان متقلبيش مراته عليه اللى هو انا يعنى، ويلا بقي من هنا عشان مدخلش رضوى الشربينى فى الموضوع ويبقى نهارك أسود».
وقالت آية: «انتي خلصتي علي الفرعون دخلتي علي شيماء طب اشمعنا شيماء هيا شيماء بس الي كده الله يكون في عون كل واحده اسمها شيماء».
وعلقت شيماء: «والنبي سبيني في حالي ياختي مش نقصاكي روحي يا شيخه ربنا يوعدك بعيل زي كريم ابني يعلمك الأدب زيي كده».
