بقلم أنس الرشيد: حتى الفلسفة تموت
«ربنا مش هايسيب حقها».. فريدة سيف النصر تعلق على عودة شيرين عبد الوهاب لزوجها
الإثنين 14/نوفمبر/2022 - 07:54 م
فريدة سيف النصر وشيرين عبدالوهاب
بسمة خالد
حرصت الفنانة فريدة سيف النصر على التعليق على عودة شيرين عبد الوهاب لزوجها الفنان حسام حبيب بعد المشاكل والقضايا التي وقعت بينهما مؤكدة أنه ليس هناك داع لكل هذا الهجوم عليها.
ونشرت الفنانة فريدة سيف النصر منشورا عبر حسابها الرسمي على "فيسبوك" تقول فيه: "بدل عنتر وعبلة.. حسام وهبلة.. الطيبة الزمان ده بتبقى هبل يا شيرين.. المهم.. خلصنا كلام ولا لسه علشان مامي تتكلم".
الهجوم زائد عن الحد
واسترسلت الفنانة كلامها: "الهجوم زائد عن الحد من مطربات، وممثلات ومعجبات يعني وكأن حياتهم كلهم مثالية.. الجميع عنده مشاكل وفيهم اللي انضرب واتشتم وخيانات ومشاكل مع الأهل عادي زي باقي البشر.. ده في حبيب بيقتل حبيبته اشمعني مركزين معاها؟".
وتابعت: "طبعا كل ده غلط وأرفض عقوق الوالدين خاصة الأم عشقي أنا أمي.. وطبعا الاخوات مايتعوضوش.. لكن بين السطور وأدق التفاصيل حاجات مانعرفهاش ماشوفناش..هي فقط تعرفها".
بلاش نحاكمها بقسوة
واستكملت: "الفرق بينها وبين غيرها إنها من غير فرامل.. اللي في قلبها وعقلها كله على لسانها هي كده واضحة .. بلاش نحاكمها بقسوة دي حياتها هي حاسبوها على فنها بس.. هي حد غلبان أوي عايز يحب ويتحب.. سيبوها ولو ربنا مش عايز ماكانوش اتجوزوا تاني".
ورفضت هجوم مختلف المذيعات عليها معبرةً: "عيب بقى كل برنامج بمذيعاته جلد ونقد وكأنهم ملائكة عيب.. كفاية قنوات اليوتيوب السبوبة كل من هب ودب يسب الناس ربنا ينتقم منكم.. ولا المطربات الفاضلات كفاية بقي لحد كده اللي من هنا وهناك.. ده مش أسلوب محروقين أوي على أهلها. .طيب ظروفكم إيه مع أهاليكم أنتم ما أحنا مانعرفش. والله على الأقل هي أهلها شايلاهم بقالها كتير".
شيرين أحلى صوت
واختتمت: "برضه تظل شيرين أحلى صوت حساس، هي وأنغام، المصريين الحيلة إيه الموضوع، آمال ماهر كمان صوت قوي زي الحلو والحجار والناس القيمة دول، شيرين سيبوها هي حالة خاصة كصوت وشخصية، شيرين تتجوز تتطلق إيه المشكلة، هي في حالة عدم توازن بتحبه لكن مش ناسيه كلامه لها وقالته وربنا ما بيسيبش لو مأذيه ربنا مش هايسيب حقها".
زواج شيرين عبدالوهاب وحسام حبيب مرة أخرى
يذكر أن الفنانة شيرين عبد الوهاب أعلنت عودتها من جديد إلى طليقها الفنان حسام حبيب، حيث ظهرت مع طليقها إلى جانب "المأذون" وهما بصدد الزواج، في صورة تم تداولها على نطاق واسع في المنصات الاجتماعية المختلفة وهو ما أثار حالة غضب وجدل كبير بين الجماهير بسبب تعاطفهم معها في الفترة الأخيرة وزعمهم أن الفنان حسام حبيب هو ما وراء ماحدث لها من أزمات متلاحقة في الآونة الأخيرة خاصة بعد القضايا والخلافات الكبيرة بينهما.
