كلام ستات

«سيحيه في السمنة».. زوجة تطلب إخفاء الذهب من زوجها والتعليقات غريبة

الإثنين 07/نوفمبر/2022 - 09:50 م

ساندي جرجس

كتبت إحدى الزوجات منشورًا على موقع التواصل الاجتماعي "فيس بوك" تروي خلاله مشكلتها مع زوجها وتطلب نصيحة الأخريات في موضوع مثير للجدل، حيث تريد مكانا آمنا لتخفي فيه ذهبها من زوجها.

وقالت المرأة في منشورها: "أنا متزوجة وحصلت مشاكل كتير ووصلنا للـطلاق أنا وجوزي، وأنا معايا ذهبي، وهو عاوز ياخده مني، وأنا خبيته وحلف لو لقاه ما هشوفه تاني وأنا خايفة يلاقيه وياخده ويطلقني بعدها، لأن هو كل اللى همه الذهب، قولولي أشيله فين بالشقة، بمكان أمان ومش يخطر على باله، هو كل يوم بيدور كل ما بتيجي فرصة، وحوار إن أخبيه بعيد عن شقتي مع حد من أهلي ده صعب أو مستحيل، لأن لا حد بيجيلى ولا بروح لحد، محتاجة مكان بشقتي، الذهب ده مخلياه لأولادى وللزمن".

وكانت التعليقات غريبة للغاية وبها أفكار من النساء لا تخطر على بال أحد، ومنها:

قالت أم ياسين: «سيحي سمنة وحطي الدهب في كيس وحطيه في علبه أو برطمان السمنة، والسمنة حاتتجمد عليه ومش حايبان».

وعلقت همس: "فى النيش فى قلب البراد الصيني وحطي حوالية حاجات لو حد لمسها تقع علشان لوفتحة تحسي بيه».

بينما علقت عزة: «روحي أقرب بنك ليكي واطلبي خزنة واعملي إيداع للدهب بس بسرعة قبل ما جوزك يلاقيه وتندمي باقي عمرك».

قالت مريم في تعليق: «أنسب مكان هو الفريزر شيلي دهب في منديل وبلاستيك وخبيه داخل الفريزر».

كما علقت دعاء: «أعرف ناس كانوا بيخبوه فى جراكن الصابون السايل».

وقالت سما: «حطيه في مكان ميفكرش يدور فيه، يعنى ممكن لو عندك فازة ورد حطيه فى كيس وحطيها في قلب الفازو أو مثلا الثلاجه كيس عيش خبيبه فيه أو درج الغسالة بس لما تشغليها شليه وحطيه تاني مش هيخطر على باله لكن أكيد هيدور في الدولاب والأماكن المقفولة بس ويسلام لو عندك مكنسة كهربائية مكان كيس الترات حطى فيه».