لأول مرة من مصر.. تفاصيل مشاركة محمد رمضان في مهرجان كوتشيلا للموسيقى
«ثقب الأوزون بتاعي باظ».. فريدة سيف النصر تتعرض لوعكة صحية
الإثنين 31/أكتوبر/2022 - 07:17 م
فريدة سيف النصر
بسمة خالد
كشفت الفنانة فريدة سيف النصر عن تعرضها لوعكة صحية مؤخراً، وذلك عبر حسابها على "فيسبوك" مؤكدة أنها لا تعلم سبب المرض حتى الآن.
وعكة صحية
كتبت فريدة سيف النصر منشورا تعبر فيه عن مرضها قائلة: "يا حبايبي أنا تعبانة بجد مش هزار، والدكتور مش لاقي مبرر دي قلة أدب والله، مناخير مسدودة وصدري مغلبش معرفش جبتها إزاي دي ولا بدخن ولا بقعد مع مدخنين، همدان حرارة برودة وجابولي أكسجين فيه محلول، كله 500 إيه الهده دي بقا".
وتابعت الفنانة: "أعرق أسقع أسخن أدوخ أكح أعطس كل الفصول شغالة، باين ثقب الأوزون بتاعي هو كمان باظ، بس على مين والله ولا أعبرك مبحبش أعيا، أحفادي مين يدلعهم، وكلابي مين يراعيهم، القطط والكلاب اللي بره مين يؤكلهم، شغلي مين يصوره، لا ده اللي مالوش أمان يلاقوا غيرك هوا مش مهم.. بس أنا هاوريها قلة الأدب دي، قال ألف وزة قال طيب ما أنا بمليون بطة".
فريدة سيف النصر تدافع عن الضاحك الباكي
يذكر أن الفنانة فريدة سيف النصر دافعت عن مسلسل "الضاحك الباكي" بعد الانتقادات اللاذعة التي تعرض لها مؤخراً، فكتبت منشورا عبر حسابها الرسمي على فيسبوك تقول فيه: "نجيب الريحاني.. لما الصحافة والمواقع تفتح عينك علي سؤال واحد إيه رأيك في الضاحك الباكي والهجوم عليه.. وأسئلة غريبة هرد واقول بالتفصيل.. اه بتفرج ده محمد فاضل يعني.. اللي اتشرفت بمسلسل الشارع الجديد معاه" .
وتابعت: "ثانيا..البطء والألوان والديكور والأداء..مش فاهمة المقصود؟ يا أساتذة الأداء في الأربعينات كده البساطة والهدوء كده ظروفهم المعيشية كده وصح جدا بل كنت اتمني يتصور أسود وابيض.ونلون بعدين..أنا شايفه لانه سيرة ذاتية يعني بينقل لك حياة كاملة حقيقية بلا فذلكة وتدخلات وإبهارات بصرية وأكشن.. في إيه يا جماعة كل عمل له جو خاص به".
ووواصلت: "وهجوم ليه هو إحنا لسه شوفنا ربع العمل حتى يا ساتر يارب.. تعالوا نحب الخير لبعض الموت مش بعيد عن أي حد كبير أو صغير بلاش كده.. نحكم قدام شويه.. أعمال كتير بدأت قوية وحركات وابهار وخفتت وماتابعنهاش.. وأعمال بدأت بسيطة وشوية شوية شدت وعليت وفي أعمال حدث ولا حرج قمة هجومكم ينفع معاهم لكن لاه انتم مركزين هنا ماعرفش ليه؟ ياحبايبي مش كده والله يأولاد ويابنات خليكم منصفين وأصحاب أقلام شريفة... اصبروا ماتبقوش محضرين السكاكين كده.. مفضوحة يعني الطريقة ليه كده..لا حول ولاقوة الا بالله" .
واختتمت: "وعلى فكره عمر عبد الجليل.. فجأة بقي الريحاني وعلشان أنا اقتنع وأصدق كاممثلة.. فالازم اقول له برافو قلعت عمر وفرملته بمفرداته بره الاستديو وليست نجيب أو لبسك شابوه واصبروا عالذبح سموا الأول يا جزارين الفن".
اقرأ أيضًا..
