فن وثقافة

ميار الببلاوي: نادمة على مهاجمة شيرين.. "هطلع عمرة بسببها"

الجمعة 26/أغسطس/2022 - 11:38 ص

بسمة خالد

أعربت الفنانة المعتزلة الإعلامية ميار الببلاوي، عن ندمها بسبب مهاجمة المطربة شيرين عبد الوهاب، في تصريحات لها منذ أيام، تحدثت خلالها عن وزنها الزائد ومشكلاتها الأخيرة، إلا أنها تراجعت عبر مداخلة تلفزيونية بأحد البرامج.

وقالت ميار الببلاوي مدافعة عن نفسها: "أنا والله زعلت عليها لما شفتها كده.. وكنت عاوزة أقولها بس مكنتش لاقية طريقة أوجه لها بيها الكلام".

وأوضحت ميار الببلاوي أنها تراجعت عن حديثها بعدما أخبرها أحد الشيوخ أن ما فعلته يعتبر "غيبة ونميمة" موضحة: "اتصدمت وانهرت وقعدت أستغفر ربنا ويمكن أطلع عمرة عشان أكفر عن الموضوع ده".

وتابعت الببلاوي: "ربنا أعلم بنيتي إني كنت برد دين.. في وقت من الأوقات كنت صغيرة ومعايا ابن ومطلقة ومنهارة وواحدة قعدت جنبي في المسجد قالتلي الكام كلمة اللي قلتهم لشيرين".

وواصلت حديثها قائلة: "أنا عاوزاها تقف على رجليها.. هو مستمتع وبيهيص وبيضحك وهي منهارة وبتتعالج نفسيًا وبتاخد أدوية اكتئاب".

التصريحات الأولى لـ ميار الببلاوي عن شيرين

قالت ميار عبر حسابها على "فيس بوك": "شفت النجمة شيرين عبد الوهاب وهي بتتكرم من كام يوم، شفت الفستان اللي هي لابساه، والوزن اللي وصلتله.. يا شيرين فوقي لنفسك ولأولادك الدنيا مش بتقف على أي راجل في العالم".

وتابعت ميار الببلاوي كلامها قائلة: "اسأليني أنا.. كلنا اتصدمنا واتطلقنا وفشلنا وعندنا مسئولية وحبينا واتسابنا. إنتي مش ملك نفسك وملك الجمهور، وإنتي مثل أعلى لبناتك".

وأضافت: "مينفعش بنتك تشوفك كده منهارة بالطريقة دي.. عايزة تبعتيله رسالة إنك اتدمرتي؟ مينفعش تقوليله كده أو انتي من بعده زهدتي من الدنيا، بس أنا بحبك يا شيرين أوي وكان عندي ولد واتعرضت لنفس الموقف ومعايا ابني واتطلقت وكنت متعلقة بيه.. ولكن الدنيا مشيت واتجوزت بعدها أكتر من مرة والدنيا مفرقتش معايا، عارفة إنك كان حبك جامد أوي، اقفي واثبتي وجودك وظبطي وزنك.. اتخضيت من وزنك".