هيندي ساخرًا: «عملت مشروع أبو كلسون» والجمهور: «الله على المشاريع الهادفة»

ليتفاجأ بعدها الجمهور بماهية المشروع وذلك بعد كتابة منشوره عبر الفيسبوك "مشروع القرن: لكل الرجالة والشباب اللي كانت بتتمنع أو بتتكسف تنزل الشواطئ بكلسوناتها، قدرت أحل المشكلة واحولكم الكلسون لبراند .. هتقدر تنزل بيه ١٧٧ شاطئ في مصر من أفخم الشواطئ". 

وأضاف: "محدش هيقدر يمنعك ولا يتريق عليك لأنك لابس براند بـ ٦ آلاف جنيه، يشمل الدخول لكل الأماكن الغالية والشواطئ والفنادق اللي فوق ٥٠ ألف جنية في الليلة وممكن تدخل بيه من بوابات مارينا بدون ما حد يكلمك .. أول مايشوفوا الكلسون هيدخلوك علطول ومتوفر بكل الألوان وألوان الطيف ناقصة لون". 

ثم علق هنيدي على المشروع قائلا: "طبعا الكلام هزار.. البسوا اللي تحبوه في أي مكان عايزينه .. مش لازم تلبس حاجة غالية عشان تعجب الناس ويقولوا ده ابن ناس .. زي ما قال أبويا "ياما ناس لابسة بس قليلة الرباية" .. واللي يحكم عليك بلبسك بيبقى عقله اصغر من عقل بسيط في كارتون سبونج بوب.. مع الاعتذار البسيط".

وتفاعل الجمهور مع منشورات النجم مازحين، حيث علق أحدهم قائلا: "العرض ده بالحبل ولا من غيره"، بينما كتب آخر :"الله ع المشاريع الهادفة".

وعلق آخر: "ما شاء الله مصر بتطور على ايد هنيدي".