كلام ستات

«جوزي طرد أمي من البيت أعمل ايه؟».. والسيدات: «طاعته واجبة»

السبت 07/مايو/2022 - 11:53 م

ساندي جرجس

نشرت إحدى السيدات مشكلتها على موقع التواصل الاجتماعي "فيس بوك" حتى تطلب نصيحة الأخريات عما تمر به من اختيار صعب بين والدتها وزوجها، وكتبت تلك المرأة: «لو جوزك طرد أمك من بيته وهى الغلطانة وقالك لو خرجتى وراها مش هرجعك هتعملي إيه؟!».

وكانت التعليقات كالآتي:

طاعة الزوج واجب

قالت أمنية: «هنفذ كلام الزوج لأن طاعته فرض ما دمتي في بيته وبعد كده قبل ما توصل لباب العمارة اكون طيبت خاطر زوجي وشاف اني اشتريت خاطره قدام امي وصدقيني وقتها لو راجل بجد جدع هو اللي هيجري يلحق امك ويرجعها ويبوس رأسها لانها ربتك صح وهينسي غلطها فيه».

وعلقت إيناس: «طاعة الزوج فرض واجب فتطيعه ومع جبر خاطر الزوج وتذكيره بمكانة الأم عند الله يجلب الله الخير بعون الله».

- "أمي لا تعوض"

ومن جانبها قالت أميرة: «ههزقه وأخرج وراها ويغور مليون راجل قصاد ضفر من رجل أمي».

وعلقت رانيا: «على فكرة لو خرجت وراها ده طلاق معلق ...تخرج وراها تراضيها وبعدين تبقي تشوف تعمل إيه مع زوجها ...لأن بصراحة إللي يطرد حد أصلا من بيته فضلا انه يكون ست كبيرة وكمان أم زوجته يبقى طبعه في مشكلة ومحتاج يراجع نفسه».

وقال سمر: «للاسف هسمع كلامه بس بعد مايهدي هجيب حقها ولازم يروح يعتذر لها مهم كانت غلطت مينفعش يطردها وزوجي استحاله يعمل كده ربنا يبارك في ويخليلي امي يارب وحتي لو حصل مشكله وامي شيفاها هتكبر بتنسحب عشان متحصلش مشاكل بيني انا وجوزي بسببها ربنا يبارك في عمرها ويشفيها وما يحرمنا منها ابدا يارب».

وعلقت أيضاً ذكرى: «هي ابقالي منه امي مش هتتعوض هو مليون واحد ياخد مكانه ويبقا ارجل منه واحسن الرجاله على قفا من يشيل جاتها نيله الي عاوزه خلف زي واحد يخير الست بينه وبين أهلها».

وقالت مريم: «هخرج وراها عشان انا مش هعوض أمي وبتكرم في الدنيا بسببها ...جوزي لو عارف ربنا مش هيأذيني ف أمي يستخدم سلطته في اي حاجه غير أمي غير امي غير أمي غير أمي».

اقرأ أيضًا..