بملعقة واحدة.. 6 فوائد للعسل تحدث في جسمك لن تصدقيها.. ما هي؟
«جوزي سابني وراح يفطر عند أمه أعمل إيه؟».. ردود صادمة!
الأحد 03/أبريل/2022 - 10:07 م
ساندي جرجس
نشرت إحدى النساء مشكلتها في أول أيام شهر رمضان المبارك تشكو وتطلب النصائح من غيرها من النساء، وكان سؤالها مثير للجدل والنصائح أيضا كانت مختلفة من امرأة لأخرى حسب شخصيتها.
وكتبت تلك المرأة في منشور على إحدى جروبات النساء: «بسرعة لأن دماغى واقفة، جوزى سابنى ونزل راح يفطر مع أمه بعد لم زعق معايا على هدوم والله العظيم ما ضيقه والمفروض اننا كنا مع بعض، انا زعلانه اووى ده أول رمضان يجى علينا المفروض اتصرف ازى؟!»، وكانت التعليقات كالآتي:
- «روحي وراه صالحيه»
نصحتها هدير في تعليق قائلة: « لو انتي اللي غلطانه وشايفة انك غلط و عملتلي مشكلة من مافيش حصليه عند اهله واتصالحو وافطرو سوا كلكو وعدي الموضوع».
وعلقت دينا: «البسي كويس وروحي بسرعه وقوليله معلش ياحبيبي اتاخرت عليك وقدامهم اعتذري قولي انك اتاخرتي غصب عنك وهزري وادخلي حضري معاهم ولا كأن في حاجه وبعدين ابقي عاتبي في الموقف ده بينكو وبين بعض».
وقالت نيفين في تعليقها: «روحى وراه ولا كأن اي حاجه حصلت بس غيرى اللبس اللي اعترض عليه وبعدين لما تبقوا لوحدكم عاتبيه على الموقف دا».
- «ولا تعبريه»
نصحتها هبة قائلة: «خدي بعضك وافطري عند اهلك وبليل روحي واوعي تسمعي كلام اللي بيقولك روحي وراه هيتعود علي كدا انه يسيبك وانك هتعملي اللي هو عايزه».
وعلقت أية: «انزلي افطري عند اهلك واقفشي عليه، او كبري دماغك وروحي الفطار واكنك كنتي بتعملي حاجه واتاخرتي بس غيري هدومك اكيد واقفشي عليه بعدين ان عمل معاكي كده».
بينما قالت شيماء: «روحي افطري مع أهلك ولا تعبريه أهله لو محترمين هيتصلوا يقولولك تعالي لو متكلموش ولا تعبريهم تاني وبعدين طالما قالك الهدوم ضيقه غيريها ومشي الدنيا متعمليش حوار».
وعلقت دنيا: «حبيبتى روحى افطرى فى بيتك عادى جدا مش محتاجه تصرف لو روحتيله متضمنيش رد فعله وقله ذوقه وانو يتمرع قدامهم ويقلب الطربيزه عليكي من رأيي تاكلى في بيتك معززه مكرمه ولما يجي حسابه بعدين».
ونصحتها رحاب: «كبرى دماغك موقف وعدى هى سنه اولى جواز كدة بيبقا لسه عقله مكبرش».
اقرأ أيضًا..
