بملعقة واحدة.. 6 فوائد للعسل تحدث في جسمك لن تصدقيها.. ما هي؟
أكل ومذاكرة ولعب ونوم.. برنامج اليوم الدراسي لطفلك بالدقيقة
السبت 09/أكتوبر/2021 - 09:03 م
آلاء أحمد
وجهت عبير أحمد مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، سؤال لأولياء الأمور حول البرنامج اليومي الذين وضعوه لأبنائهم خلال الدراسة، حتي يستفيد باقي أولياء الأمور.
صفحة اتحاد أمهات مصر
وتفاعل العديد من الأمهات من أولياء الأمور على صفحة اتحاد أمهات مصر، حيث قالت ولي أمر، "إن شاء الله نصحي ٧ نفطر ونلبس، ننزل للمدرسة ٨ إلا تلت، نرجع من المدرسة ٢ ونص نغير ونتغدى ونعمل الواجبات ونشوف بقى لو نذاكر شوية لغايه الساعة ٨ ونرتاح ويلعبوا لغاية ٩ وندخل ننام".
آراء أولياء الأمور
وأضافت ولي أمر أخرى، "لما يرجعوا من المدرسة يرتاحوا ويتغدوا ويعملو واجباتهم وممكن بريك شويه ويرجعوا يكملوا وبعد كده يناموا الساعة 9 أو 10 بالكتير عشان يقدروا يركزوا"، وتابعت أخرى، "ابنى الصبح يفطر ويروح المدرسة يرجع ينام ساعه ويقوم يذاكر".
وذكرت ولي أمر، "بعد الرجوع من المدرسة يتغدى وينام ساعة وبعدين يصحى يأكل طبق فاكهة صحى أو خضار، وبعدين يكتب واجباته ويريح ساعه، وبعدين نراجع معاه اللى أخذه أول بأول عشان مينساش".
بينما قالت ولي أمر، "أنا وضعي مختلف عن أي أم، أنا عندي طفلين مرضى سكر محتاجه ترتيب خاص جدا، ونفس الوقت خايفه أنزلهم علشان كثافه العدد في الفصل كتيره، وبرضو مش هينفع يفضلوا في البيت، أنا في معاناة ربنا وحده يعلم بيها، عام سعيد للجميع بالتوفيق والنجاح يارب".
