كلام ستات

خبيرة علاقات تكشف نهاية الخائن على يد ضحيته

الثلاثاء 14/سبتمبر/2021 - 01:37 م

عبدالله أبو الخير

أشادت الدكتورة نانسي ماهر خبيرة العلاقات الأسرية ومرحلة المراهقة، بمسلسل "إلا أنا"، وتناوله لقضية التحرش، والمرأة التي تتم خيانتها وكيف يمكن أن تتحول إلى وحش كاسر، وذلك عبر منشور كتبته على صفحتها على فيسبوك.

واستشهدت "ماهر" بأحد مشاهد المسلسل: "مدير متزوج يتحرش بالموظفات لديه في الشغل، ومراته لأول مره تظهر في الصورة، البنت عملتله فيديو على السوشيال ميديا، ورفعت عليه قضية وهو رفع قضية تشهير وأنكر وأوقفها عن العمل، لغاية هنا بيعرضوا قصة قصيرة حزينة".

وتابعت: "الأعجب بقى إنهم جابوا زوجة الشخص ده وهي بتقول إنها كانت نفسها متصدقش بس كانت متوقعة، وقالت إن السبب مامته دلعته وعودته إنه أي حاجة عاوزها ياخدها، وطلبت من البنت إنها متتنازلش، وقالتلها أنه طول عمره بيعمل حاجات غريبة وهي بتحط أعذار، والناس اللي بتتأذى بتسكت، فهي بتحاول تصدق، ولما البنت اتكلمت ساعدتها تاخد قرار كانت لازم تاخده من زمان لأنها ببساطة اتكلمت".

وأكملت: "المرة دي مجابوش زوجة بتتحايل علشان سمعة عيالها ولا أب بيضرب بنته لأنها اتكلمت ولا خطيب بيتراجع عن طلب جوازه منها علشان عملت كده (ولسه القصة بتبين)".

المرأة التي تمت خيانتها

وأشارت إلى تلك المرأة وإلى الخيانة التي تقع عليها: "هي سلسلة من الإحباطات والإهانات والضعف والخوف والغضب والمعافرة علشان ترجع بيتها، الست بتكدب نفسها مليون مرة وبتحط مئات وآلاف الأعذار وبتغلط نفسها وتقسى عليها جامد، وفي وقت معين وضربات معينة مبتقدرش، بتحس إن هي رضيت بالأذى وربنا مش راضيلها بيه".

وأوضحت: "بيكشف ستر ويوقف ناس تانية، ويفوق المؤذي ولو مفاقش بيديها إصرار وسلام وإرادة على وقف الأذى". مضيفة أن هناك الكثير من القرارات التي يمنعنا الخوف عن اتخاذها لكن.. "على قد الصبر بيكون الحسم وعلى قد الذل والاجتهاد والمعافرة بيكون الاستئصال".

اقرأ أيضًا..