للمرة الثانية.. سبايك لي يترأس لجنة تحكيم مهرجان البحر الأحمر السينمائي
خبيرة علاقات أسرية تُشيد بمدرسة الروابي للبنات: مسلسل عبقري
الأحد 29/أغسطس/2021 - 08:45 م
عبدالله أبو الخير
أشادت الدكتورة نانسي ماهر خبير العلاقات الأسرية ومرحلة المراهقة؛ بمسلسل مدرسة الروابي للبنات؛ واصفة إياه بـ"العبقري"، لما تناوله من مشاكل فترة المراهقة.
وقالت "العطار" عن المسلسل أنه: "من أخطر المسلسلات اللي ناقشت قضية مصيرية في مرحلة المراهقة، أنا شفت حلقة واحدة ومش مصدقة حجم المشاكل اللي نبشوا فيها، والأبواب اللي طرقوها، وازاي ممكن الأزمات والتربية الغير سوية تُهدد استقرار بنات وشباب كتير".
وتابعت: "ومش بس كدة، دول اخدوا التنمر لـ scale تاني خالص؛ ليه بناتنا بيرجعوا البيت منهارين أو ساكتين، ليه بيجو أيام من المدرسة مكبوسين، ليه مش بيتكلموا بيسرحوا كتير، ليه أمهات بتقعد قدامي تبكي وتقولي بنتي مبقتش عارفاها، ايه اللي أولادنا بيواجهوه في المدارس، مين المدارس اللي بتتعامل بآدمية وبتهتم بما يسمى Character Aid ومين اللي بيطنشوا ويهتموا بالفلوس وبس".
وأكملت نانسي: "البنات _ الحلقة الأولى _ بنت بتتعرض للضرب والاتهام بالظلم بتهمة صعبة جدا، بيتكانتف عليها شلة بنات مسنودين، مفيش جواهم غير قيم كلها سلبية؛ الأذى-المصلحة_التطلع لعلاقات خطرة_ والظلم والسيطرة وغيرها وغيرها من الكوارث".
وأضافت "ماهر": "بيتنمروا عليها وتوصل للضرب اللي ممكن كان يؤدي الى موت، والاتهام الكاذب ورمي التهم وتدمير مستقبل بنت، الأخطر في الحلقة دي هو ان الام والاب شكوا في بنتهم".
وأكدت أنه من خلال حديثها مع الكثير من البنات: "صدقوني من أخطر اللي مطلع الجيل ده عصبي احساسهم بالظلم، من أي وكل موقف، اتخذلوا فيه وخصوصا لو أهلهم كدبوهم وجم عليهم، قدام قسوة الزمن وشراسته".
واختتمت: "الدروس المستفادة من الحلقة دي؛ اسند عيالك اوعي تشكك في تربيتك، اديهم فرصة يدافعوا واسمعهم قبل ما تبقي مع العالم عليهم وتسيبهم يغرقوا وترمي عليهم، زي اللي ظالمينهم".
